امیرعبداللهیان، ایسرائیلین غزه‌یه سالدیریلارینی دگرلندیردی
"(غزه‌ده) قادین و اوشاقلارین سوی‌قیریما اوغرادیلاراق اؤلدورولمه‌لری سببی ایله اینسان حاقلارینین کۆره‌سل سیجیلی لکه‌لندی"
ایران خاریجی ایشلر باخانی حسین امیرعبداللهیان، "ایسرائیلین سوی‌قیریم اویقولادیغی غزه‌ده اینسان حاقلارینین کۆره‌سل سیجیلینین لکه‌لندیگینی" سؤیله‌دی.
ایرانین رسمی خبر آژانسی ایرنایا گؤره، امیرعبداللهیان، سوئیسین ژنو شهرینده تشکیل ائدیله‌ن بیرلشمیش میللتلر اینسان حاقلاری شوراسینین ۵۵.جی اوتوروموندا ایسرائیلین غزه‌یه سالدیریلارینی دگرلندیردی.
امیرعبداللهیان،
"(غزه‌ده) قادین و اوشاقلارین سوی‌قیریما اوغرادیلاراق اؤلدورولمه‌لری سببی ایله اینسان حاقلارینین کۆره‌سل سیجیلی لکه‌لندی" دئدی.
ایسرائیلین هاوادان، قورودان و دنیزدن غزه‌یه هوجوم ائتدیگینی، خالقی آجلیق و قیتلیقلا قارشی قارشییا بوراخدیغینی دیله گتیره‌ن امیرعبداللهیان،
"بو سوی‌قیریمین داوام ائتمه‌سینه ایجازه وئرمه‌مه‌لیییک" ایفاده‌لرینی ایشلتدی.
دونیانین، ان اوتانج وئریجی اخلاقی و اینسانی بحرانلا قارشی قارشییا اولدوغونو ایفاده ائد‌ن ایرانلی باخان، ایسرائیلین غزه‌یه تشکیل ائتدیگی سالدیریلار قارشیسیندا بیرلشمیش میللتلره داها جدی آددیملار آتماسی چاغریسی ائتدی.
