السودانی: "کوالیسیون قوه‌لرینین اؤلکمده اولماسی اوچون هئچ بیر سبب یوخ‌دور"
عراق-ین باش ناظیری محمد شیاع السودانی پایتاخت باغداد-دا کنفرانس تشکیل ائدیب.
امریکانین رهبرلیک ائتدیگی کوالیسیون قوه‌لرینین اؤلکمده اولماسی اوچون هئچ بیر سبب یوخ‌دور".
بونو عراق-ین باش ناظیری محمد شیاع السودانی پایتاخت باغداددا حکومت ساراییندا تشکیل ائدیلن مطبوعات کنفرانسیندا ژورنالیست‌لره آچیقلاماسیندا دئییب.
عراق-دا تهلوکه‌سیزلیک وضعیتی‌نین ثابت اولدوغونو و تهلوکه‌سیزلیک قوه‌لرینین تهلوکه‌سیزلیگی تامین ائتمک اوچون کیفایت قدر گوجه مالیک اولدوغونو ایفاده ائدن السودانی "داعش عراق اوچون آرتیق تهلوکه‌سیزلیک ریسکی و تهلوکه‌سی یاراتمیر. داعش بیتدی، بیر داها گئری قاییتمایا‌جاق" دئییب.
امریکا و رهبرلیک ائتدیگی کوالیسیون قوه‌لرینین منسوب اولدوغو اؤلکه‌لرله تهلوکه‌سیزلیک باشدا اولماقلا بوتون ساحه‌لرده ایکی طرف‌لی علاقه‌لر سویه‌سینه کئچمک ایستدیک‌لرینی ایفاده ائدن السودانی دئییب:
"آرتیق کوالیسیون قوه‌لرینین عراق-دا اولماسی اوچون هئچ بیر سبب یوخ‌دور. بیز بو قوه‌لرین منسوب اولدوغو اؤلکه‌لرله طرفداش‌لیق اساسیندا ایکی طرف‌لی علاقه‌لر قورا بیلریک".
قئید ائدک کی، عراق ژانویه‌نین 25-ده امریکا رهبرلیگی ایله ترور تشکیلاتی داعشه قارشی کوالیسیونون حربی میسیونونون دایاندیریلماسی و کوالیسیون دانیشمانلارینین مرحله‌لی شکیلده آزالدیماسینا دایر جدولین یارادیلماسی اوچون امریکا رهبرلیگی ایله راضی‌لیق الده ائدیلدیگینی آچیقلاییب.
عراق خاریجی ایشلر ناظیرلیگی بیان ائدیب کی، امریکا و عراق حکومت‌لری آراسیندا آوقوست آیین‌دان بری داوام ائدن دانیشیق‌لار اوغورلا باشا چاتیب.
عراق-دا امریکانین رهبرلیک ائتدیگی کوالیسیون قوه‌لرینین موشاویرلرینین یئرلشدیگی پایگاه لار ایرانین دستکلدیگی شیعه میلیس قوه‌لری طرفیندن هوجوما معروض قالیر.
ایلگیلی‌لی خبرلر
تورکیه اوردوسو عراق و سوریه-ده 17 ترورچونو ضررسیزلشدیریلیب
عراق و سوریه-نین قوزئیینده بولوجو ترور تشکیلاتی پ.کا.کا-یا عاید 17 ترورچو ضررسیزلشدیریلیب.
آذربایجان و ائرمنیستان آراسیندا باریش دانیشیق‌لاری باشلاییب
قازاخیستانین آلماتی شهرینده آذربایجان و ائرمنیستان آراسیندا باریش دانیشیق‌لاری باشلاییب.
