ایسراییلین غزه-یه شدتلی هوجوم‌لاری داوام ائدیر

ایسراییلین غزه زولاغینا تشکیل ائتدیگی هوجوم‌لار نتیجه‌سینده حیاتینی ایتیرن فیلیسطین‌لیلرین سایی سون 24 ساعاتدا 103 نفر آرتا‌راق 29 مین 195-ا چاتیب.

غزه-ده‌کی فیلیسطین ساغلیق ناظیرلیگی طرفیندن وئریلن آچیقلامادا ایسراییلین 137 گون‌دور حیاتا کئچیردیگی هوجوم‌لارلا باغلی معلومات وئریلیب.

آچیقلامادا ایسراییل قوه‌لرینین غزه زولاغیندا سون 24 ساعاتدا داها 103 فیلیسطین-لینی اؤلدوردوگو، هوجوم‌لاردا حیاتینی ایتیرن‌لرین سایی‌نین ایسه 29195 نفره یوکسلدیگی بیلدیریلیب.

آچیقلامادا همچنین ایسراییل قوه‌لرینین سون هوجوم‌لاریندا داها 142 فیلیسطین-لینی یارالادیغی، غزه زولاغیندا یارا‌لانان‌لارین عمومی سایی‌نین 69170-ا یوکسلدیگی بیلدیریلیب. بیاناتدا همچنین داغینتی‌لار آلتیندا و یول کناریندا هله ده اؤلولرین اولدوغو، لاکین ساغلیق اکیپ لری و سیویل ساوونما امکداش‌لارینین ایسراییل قوه‌لرینین مانعه‌سی سببیندن جسدلرین اولدوغو بؤلگه‌یه گئده بیلمه‌دیگی وورغولانیب.