دیرالزور-دا عرب قبیله‌لری ایله پ.کا.کا/ی.پ.گ آراسیندا قارشیدورما یارانیب

سوریه-نین دوغوسونداکی دیرالزور ایالتینده عرب قبیله‌لری ایله بولوجو ترور تشکیلاتی پ.کا.کا/ی.پ.گ آراسیندا باش وئرن قارشیدورمادا ترور تشکیلاتی سیرا‌لاریندا اؤلن و یارا‌لانان‌لارین اولدوغو بیلدیریلیب.

دیرالزور ایالتینده امریکانین دستکلدیگی پ.کا.کا/ی.پ.گ ایله تضییق ائتمه‌یه چالیشدیغی عرب قبیله‌لری آراسیندا بیردن چوخ نقطه‌ده قارشیدورما یارانیب.

عرب قبیله‌لری دیرالزور-ون دوغوسونداکی ابوحردوپ و ابوحمام کندلرینده امریکادان دستک آلان پ.کا.کا/ی.پ.گ ترورچولاری‌نین سؤزده یول کئچید منطقه‌لرینه و قرارگاه‌لارینا باسقین ائدیب‌لر.

گئجه یاری‌سیندان سونرا دوغو چؤلونده ایکی قصبه‌ده آغیر سلاح‌لاردان ایستیفاده ائدیلن عرب قبیله‌لری ایله پ.کا.کا/ی.پ.گ ترورچولاری آراسیندا باش وئرن قارشیدورمادا تشکیلات سیرا‌لاریندا اؤلن و یارا‌لانان‌لارین اولدوغو اؤیرنیلیب.

قئید ائدک کی، پ.کا.کا/ی.پ.گ-نین تضییقی آلتیندا اولان عرب قبیله‌لری ترور تشکیلاتی ایله تئز-تئز توققوشور.

تشکیلاتین امریکا اوردوسونون دستکی ایله "داعش-ا قارشی موباریزه" آدی آلتیندا ایشغال ائتدیگی دیرالزور-ون اها‌لیسی‌نین هامیسی عرب‌لردن عبارت‌دیر.

بولوجو ترور تشکیلاتی ایشغال ائتدیگی بؤلگه‌لرده عرب اوشاق‌لارینی زورلا اؤز سیرا‌لارینا جلب ائدیر.

بؤلگه‌ده‌کی قویولاری اله کئچیرن و امریکانین تحریم لره باخمایا‌راق الده ائتدیگی نفتی دمشق رهبرلیگینه ساتان تشکیلات، تامین ائتدیگی گلیری اؤز فعالیت‌لری اوچون ایستیفاده ائدیر و بؤلگه خالقینی یئرلی خیدمت و یاردیم‌لاردان محروم بوراخیر.