پاکیستاندا عمران خانین باشباخان نامیزدی عمر ایوب خان اولدو

پاکیستان‌دا توتوقلو اؤنجه‌کی باشباخانلاردان عمران خانین یئنی حکومت اوچون باشباخان نامیزدی، پارتیسی پاکیستان عدالت حرکتینین باش کاتیبی عمر ایوب خان اولدو.

عمر ایوب خان، پاکیستانی اکتبر ۱۹۵۸دن مارس ۱۹۶۹ ایلینه قدر حربی حکومت ایله ایداره ائد‌ن ژنرال ایوب خانین نوه‌سیدیر. موختلیف حکومتلرده باخان اولاراق خیدمت ائد‌ن عمر ایوب خان، ۲۰۱۳ده، اؤنجه‌کی باشباخانلاردان نواز شریفین پارتیسی پاکیستان مسلمان لیگی-نوازدان (پ‌م‌ل‌-ن) میللت وکیلی سئچیلمیشدی.

پاکیستان مسلمان لیگی-نوازین لیدئرلیگینده‌کی کوالیسیون ایسه نواز شریفین قارداشی شهباز شریفی باشباخان اولاراق نامیزد گؤستره‌جکلرینی بیلدیرمیشدی.

پاکیستانین ۲۵.جی باشباخانینی سئچه‌جک میللی مجلیس توپلانتیسینین ۲۲-۲۹ فوریه آراسیندا ائدیلمه‌سی گؤزله‌نیلیر.

پاکیستان سئچیم کومیسیونو، ۸ فوریه‌ده تشکیل ائدیله‌ن میللی مجلیس و ایالت مجلیسلرینین سئچیم نتیجه‌لرینی ۱۱ فوریه‌ده آچیقلامیشدی.