پاشینیان، تلگراف قزئتینه مصاحیبه وئردی
"ارمنیستان، آوروپا بیرلیگینه مومکون گؤرولدوگو اؤلچوده یاخینلاشماغا حاضردیر"
ارمنیستان باشباخانی نیکول پاشینیان، اؤلکه‌سینین آوروپا بیرلیگینه یاخینلاشماغا حاضر اولدوغونو ایفاده ائتدی.
باشباخان پاشینیان، "د تلگراف" قزئتی خبرچیسی رولاند اولیفانتا وئردیگی و فیسبوک صحیفه‌سیندن یاینلادیغی مصاحیبه‌سینده، گوند‌مه دایر سواللاری جاوابلادی.
تلگراف خبرچیسینین، ارمنیستانین گله‌جک‌ده ناتو عضولوگونو دۆشونوب دۆشونمه‌دیگی سوالی اۆزرینه پاشینیان، اؤلکه‌سینده ناتویا عضولوک قونوسونون و دارتیشما‌سینین گۆندمده اولمادیغینی قید ائتدی.
پاشینیان، بو آندا یاسال اولاراق کولکتیو گۆونلیک آنلاشماسی تشکیلاتی عضوو اولدوقلارینی آنجاق بو بلوک استراتژیسینین اوزون وعده‌ده ارمنیستانین چیخارلارینا اویغون اولوب اولمادیغی قونوسوندا دارتیشمالارین سۆردوگونو وورغولادی.
ارمنیستان باشباخانی، سون دؤنمده ان اؤنملی قونونون گورجوستانین آوروپا بیرلیگینه نامیزد اؤلکه ایستاتوسو قازانماسی اولدوغونا، وظیفه‌یه گلمه‌سیندن اؤنجه اؤلکه‌سینین بیرلیک ایله گئنیش و گلیشدیریلمیش اورتاقلیق آنلاشماسی ایمضالادیغینا، آنلاشمانین تطبیق مرحله‌سی چرچیوه‌سینده ایلیشکیلری درینلشدیردیکلرینه دقت چکه‌رک،
"ارمنیستان، آوروپا بیرلیگینه مومکون گؤرولدوگو اؤلچوده یاخینلاشماغا حاضردیر" ایفاده‌سینی ایشلتدی.
پاشینیان، خبرچینین ۱ فوریه‌دن اعتباراً روما ایستاتوسونو قبول ائتدیکلری و رسمی اولاراق عضو اولدوقلاری اولوسلارآراسی جزا محکمه‌سینین روسیا دؤولت باشقانی ولادیمیر پوتینه قارشی یاخالاما قرارینین، پوتینین ایروانا گئتمه‌سی حالیندا تطبیق اولونوب اولونمایاجاغی سوالی اوزرینه، سؤز قونوسو یاخلاما قرارینین قانونی چرچیوه‌ده ارمنیستان محکمه‌لری طرفیندن اله آلینماسی لازیم اولدوغونو، اؤزونون بو مؤوضوعدا صلاحیتینین اولمادیغینی و وظیفه‌ده‌کی دؤولت باشقانلارینین مقاملارینا اساساً توخونولمازلیقلاری اولدوغو قونوسوندا حقوقچو گؤروشلری اولدوغونو ایفاده ائتدی.
ایلگیلی‌لی خبرلر
داعش سالدیریسیندا بئش عسگر اؤلدو
عراقین صلاح‌الدین شهرینده بیر نظامی منطقه‌یه ترور سالدیریسی تشکیل ائدیلدیگی بیلدیریلدی
