حزبالله لیدئری آمریکا سالدیریسیندا اؤلدورولدو
آمریکا گۆجلرینین، عسگرلرینه قارشی سالدیریلارا جاواب اولاراق عراقدا تک طرفلی بیر سالدیری تشکیل ائتدیگی ایفاده ائدیلدی
آمریکا بیرلشمیش دؤولتلری اوردوسو، اورتا دوغوداکی عسگرلرینه قارشی سالدیریلارا قارشیلیق اولاراق، عراقدا، (شیعه میلیس گۆجو) کتایئب حزبالله قروپوندان بیر باشچینی اؤلدوردوگونو بیلدیردی.
آمریکا مرکز قوموتانلیغیندان (سنتکوم) وئریلهن آچیقلامادا، آمریکا گۆجلرینین، عسگرلرینه قارشی سالدیریلارا جاواب اولاراق عراقدا تک طرفلی بیر سالدیری تشکیل ائتدیگی ایفاده ائدیلدی.
قارشی سالدیریلاری بیر باشا پلانلاماقدان و بو سالدیریلارا قاتیلماقدان مسئول بیر کتائب حزبالله باشچیسینین اؤلدورولدوگو قید ائدیلدی.
عراق رهبرلیگی، آمریکانین شیعه میلیس گۆجو حشد شعبینین باشچیسینی هدف آلماسینین، "اگمنلیگه سالدیری اولدوغونو و بوتون آنلاشمالاری بالتالادیغینی" آچیقلادی.
عراق حکومتینه باغلی گۆونلیک مئدیا شبکهسی باشقانی ژنرال تحسین خفاجی، وئردیگی یازیلی آچیقلامادا، آمریکانین بغداددا حشد شعبی باشچیسینا ائتدیگی سالدیرینین، عراق و آمریکا آراسینداکی بوتون آنلاشمالاری بالتالادیغینی ایفاده ائدرک، "عراقین گۆولیگی تهدید ائدن بو سالدیریدان آمریکا و کوالیسیون گۆجلرینی مسئول توتوروق" ایفادهسینی ایشلتدی.
خفاجی، سالدیرینین عراقین اگمنلیگینه قارشی "دۆشمنجه پوزونتو" اولدوغونو بیلدیررک، بونون بؤلگهیه تهلوکهلی انعکاسینین اولاجاغینی وورغولادی.
عراقداکی شیعه میلیس گۆجو حشد شعبی باشچیلاریندان ابوباقر السعدینین باشکند بغدادداکی هاوا سالدیریسیندا اؤلدورولدوگونو آچیقلامیشدی. ایچینده اولدوغو آراج هاوا سالدیریسییلا هدف آلینان سعدینین سالدیریدا حیاتینی ایتیردیگی بیلدیریلمیشدی.
کتائب حزبالله (حزبالله توغایلاری) آدییلا بیلینهن ایران دستکلی قروپ، اۆست قورولوش اولان حشد شعبینین عنصورلاریندان بیرینی اولوشدورور.
آمریکا، ۲۹ ژانویهده اردن-سوریه سرحدینده اولان مرکزینه تشکیل ائدیلهن و ۳ عسگرینین اؤلومونه یول اآچان سالدیریدان ایران دستکلی قروپلاری مسئول توتموشدو.
ایلگیلیلی خبرلر
تورکیه اوردوسو عراق و سوریه-ده 17 ترورچونو ضررسیزلشدیریلیب
عراق و سوریه-نین قوزئیینده بولوجو ترور تشکیلاتی پ.کا.کا-یا عاید 17 ترورچو ضررسیزلشدیریلیب.
آذربایجان و ائرمنیستان آراسیندا باریش دانیشیقلاری باشلاییب
قازاخیستانین آلماتی شهرینده آذربایجان و ائرمنیستان آراسیندا باریش دانیشیقلاری باشلاییب.