آنتونیو گوترش قزه زولاغی بویونجا اینسانی یاردیما چاغیریب

بیرلشمیش میللتلر تشکیلاتینین باش کاتیبی آنتونیو گوترش قزه زولاغی بویونجا اینسانی یاردیما "سورعتلی، تهلوکسیز، مانعسیز، گئنیشلندیریلمیش و سوردوروله‌بیلیر اریشیمه" چاغیریب.

گوترش سوسیال مئدیا پلاتفورمونداکی پایلاشیمیندا "هامی آجدیر و 1.7 میلیون اینسان کؤچکوندور. اینسانی سیستم چؤکور"، دئدی.

بیرلشمیش میللتلر باش کاتیبی اینسانی یاردیملا باغلی، "غزه‌یه سورعتلی، تهلوکسیز، مانعسیز، گئنیشلندیریلمیش، سوردوروله‌بیلیر اینسانی یاردیما اریشیمه چاغیریرام." مئساژینی پایلاشیب.

حماسین حربی قانادی عزالدین القسام توغایلاری 7 اوکتبردا «مسجدالاقصی باشدا اولماقلا فیلیسطین‌لیلره و مقدس دَیَرلره قارشی داواملی پوزونتولارا جاواب وئرمک» سببی ایله ایسرائیله قارشی هرطرفلی هوجوما کئچیب.

عینی تاریخدن بری ایسرائیلین غزه زولاغینا دوزنلدییی هوجوملاردا ان آزی 11 مینی اوشاق و 8 مینی قادین اولماقلا 27 مین 19 فیلیسطین هلاک اولوب.