عراقدان کوالیسیون گۆجلرینین وظیفه مدتی ایله باغلی آچیقلاما
عراق ایله آمریکا آراسیندا، اولوسلارآراسی کوالیسیون گۆجلرینین وظیفهسینین گؤزدن گئچیریلمهسی اوچون اورتاق یوکسک عسگری کومیتهنین ایلک ییغینجاغی جمعه ائرتهسی گونو باشکند بغداددا تشکیل ائدیلمیشدی
عراق، آمریکا بیرلشمیش دؤولتلری لیدئرلیگیندهکی کوالیسیون گۆجلرینین وظیفهسینین ایندیکی حکومت دؤنمینده سونا چاتاجاغینی سؤیلهدی.
حکومت سؤزچوسو بسیم العوادی، رسمی خبر آژانسی اینایا وئردیگی آچیقلامادا، کوالیسیون گۆجلرینین اؤلکهدهکی وارلیغینین باشباخان محمد شیاع السودانی حکومتینین وظیفه مدتی بیتمهدن سونلاندیریلاجاغینی ایفاده ائتدی.
عراق ایله آمریکا آراسیندا، اولوسلارآراسی کوالیسیون گۆجلرینین وظیفهسینین گؤزدن گئچیریلمهسی اوچون اورتاق یوکسک عسگری کومیتهنین ایلک ییغینجاغی جمعه ائرتهسی گونو باشکند بغداددا تشکیل ائدیلمیشدی.
ییغینجاغین آردیندان اؤلکهدهکی کوالیسیون گۆجلرینین وارلیغینین سونا چاتماسی قونوسونو عسگری متخصصلرین اۆستلنهجگی آچیقلانمیشدی.
کوالیسیون گۆجلرینین اؤلکهدن چکیلمهسی اوچون تقویم تعیین اولوناجاغی، چکیلمه سونراسی عراقین آمریکا و کوالیسیون گۆجلری ایچریسینده اولان اؤلکهلر آراسینداکی ایلیشکیلرینین "ایکیلی گۆونلیک ایلیشکیسی" سویهسینده اولاجاغی بیلدیریلمیشدی.
عراق، ۲۵ ژانویهده ترور هؤرگوتو داعشه قارشی آمریکا لیدئرلیگینده قورولان کوالیسیونون عسگری وظیفهسینین سونا چاتماسی و کوالیسیون مشاویرلرینین آشامالی اولاراق آزالدیلماسی اوچون تقویم اولوشدورما قونوسوندا آمریکا رهبرلیگی ایله آنلاشمایا واریلدیغینی بیلدیرمیشدی.
عراق خاریجی ایشلر باخانلیغی، آمریکا و عراق حکومتلری آراسیندا آگوستدان بو یانا داوام ائدن موذاکیره دؤنملرینین باشارییلا نتیجهلندیگینی ایفاده ائتمیشدی.
ایلگیلیلی خبرلر
تورکیه اوردوسو عراق و سوریه-ده 17 ترورچونو ضررسیزلشدیریلیب
عراق و سوریه-نین قوزئیینده بولوجو ترور تشکیلاتی پ.کا.کا-یا عاید 17 ترورچو ضررسیزلشدیریلیب.
آذربایجان و ائرمنیستان آراسیندا باریش دانیشیقلاری باشلاییب
قازاخیستانین آلماتی شهرینده آذربایجان و ائرمنیستان آراسیندا باریش دانیشیقلاری باشلاییب.