روسیا: آمریکا، سوریهدن ده چیخماق مجبوریتینده قالاجاق
پوتینین سوریه اؤزل نمایندهسی آلکساندر لاورنتیئو، آمریکا بیرلشمیش دؤولتلرینین عسگرلرینی عراقدان چکدیگی زامان، سوریهدن ده چیخماق مجبوریتینده قالاجاغینی ایفاده ائتدی
روسیا دؤولت باشقانی ولادیمیر پوتینین سوریه اؤزل نمایندهسی آلکساندر لاورنتیئو، آمریکا بیرلشمیش دؤولتلرینین عسگرلرینی عراقدان چکدیگی زامان، سوریهدن ده چیخماق مجبوریتینده قالاجاغینی ایفاده ائتدی.
روس خبر آژانسی ریایا دانیشان لاورنتیئو، آمریکانین اورتا دوغوداکی فعالیتلرینه باغلی آچیقلامالار وئردی.
آمریکانین عراقدان چیخماغا حاضر اولدوغونو بیلدیردیگینه دقت چکهن لاورنتیئو، بو قونودا عراقلی قونومداشلارین اؤزلرینه بیلگی وئردیگینی دئدی.
لاورنتیئو، بونون نه مدتده اولاجاغینین بللی اولدوغونو سؤیلهیهرک،
"آمریکالیلارین، بونو مومکون اولان هر شکیلده ائرتهلهیهجگینی دوشونورهم. چونکو اونلار بو آندا بونا حاضر دئییلدیرلر. اونلار، ضعیفلیگینی گؤسترهجکلرینی، افغانیستانین ایشیغیندا دا بونون پیس گؤرونهجگینی دوشونورلر. عراقدان چکیلدیکدن سونرا سوریهدن عسگرلری چکیلهجک. چونکو عراق تورپاقلاریندان ایستیفاده ائدهبیلمهدن سوریهده لجستیکی دستکلهمک و عسگری بیرلیکلری ساخلاماق مومکون اولمایاجاق" دگرلندیرمهسینی وئردی.
ایلگیلیلی خبرلر
تورکیه اوردوسو عراق و سوریه-ده 17 ترورچونو ضررسیزلشدیریلیب
عراق و سوریه-نین قوزئیینده بولوجو ترور تشکیلاتی پ.کا.کا-یا عاید 17 ترورچو ضررسیزلشدیریلیب.
آذربایجان و ائرمنیستان آراسیندا باریش دانیشیقلاری باشلاییب
قازاخیستانین آلماتی شهرینده آذربایجان و ائرمنیستان آراسیندا باریش دانیشیقلاری باشلاییب.