ایسرائیللی باخاندان ایرانا تهدید

ایسرائیلین خاریجی ایشلر باخانی ییسرائیل کاتز ایرانی هدف آلاراق "اگر گئری آددیم آتماسالار بونون عوضینی اؤدیه‌جکلر." دئییب.

ییسرائیل کاتز ایسرائیلده رسمی سفرده اولان بریتانیالی همکاری دیوید کامرون ایله کئچیردیگی گؤروشدن سونرا یازیلی آچیقلاما وئریب.

ایسرائیلین خاریجی ایشلر باخانی دئییب: ایران و اونون بؤلگه‌ده‌کی قوللارینا قارشی آددیم آتماقدان چکینمیه‌جییک. حزب‌الله گئری آددیم آتماسا، بونون عوضینی بوتون لبنان اؤدیه‌جک.

کاتز بیر داها قید ائدیب کی ایسرائیل حماسی محو ائتمک و بوتون ایسرائیللی توتساقلاری آزاد ائتمک مووضوعسوندا قرارلیدیر.

بویوک بریتانیا خاریجی ایشلر باخانی دیوید کامروندان قطر سفریندن اول غزه‌ده توتولان ایسرائیللی توتساقلاری آزاد ائتمک اوچون نفوذوندان ایستیفاده ائتمسینی ایستیین کاتز، همکاریندان دا بو مووضوعدا قطر قارشیسیندا تضییق گوسترمسینی خواهیش ائدیب.