سوریه بحرانینین حللینه دائیر آستانا گؤروشلری دوام ائدیر
گؤروشلرده همچینین سوریهده ترورلا موباریزه، توتساقلارین آزاد ائدیلمهسی و ایتکینلرین آختاریلماسی کیمی اعتیمادی آرتیرتجاق تدبیرلر ده موذاکیره ائدیلیب
سوریه بحرانینین حللینه دائیر آستانا پروسئسینین ضمانتچی اؤلکهلرینین قزاقیستانداکی گؤروشلری دوام ائدیر.
گؤروشده تورکیه، روسیه، ایران، دمشق رژیمی و سوریه موخالیفلرینین نماینده هئیأتلری ایشتیراک ائدیر. اردن، عراق و لبنان نمایندهلری ده ناظیر وظیفهسینده ایشتیراک ائدیر.
تورکیه نماینده هئیأتینه خاریجی ایشلر ناظیرینین معاوینی، احمد ییلدیز رهبرلیک ائدیر.
باغلی قاپیلار آرخاسیندا گئچیریلن گؤروشلرده سوریهدهکی وضعیت و اؤلکدهکی بؤحرانین هر طرفلی حل ائدیلمهسی ایله علاقهلی گؤستریلن سعیلر موذاکیره ائدیلیر.
گؤروشلرده همچینین سوریهده ترورلا موباریزه، توتساقلارین آزاد ائدیلمهسی و ایتکینلرین آختاریلماسی کیمی اعتیمادی آرتیرتجاق تدبیرلر ده موذاکیره ائدیلیب.
نماینده هئیأتلری بوگون گئچیریلهجک گؤروشدن سونرا مطبوعاتا آچیقلاما وئرجک و بیرگه بیلدیریش یاییملایاجاق.