ایران‌دان آمریکایا مئساژ
"آمریکا و اینگیلتره‌یه، بؤلگه‌ده باریش و گوونلیگی تهدید ائد‌ن سالدیریلارینین ساواشین دایره‌سینی گئنیشله‌دجگی قونوسوندا مئساژ و جدی اویاریلار گؤندردیک"
ایران خاریجی ایشلر باخانی حسین امیرعبداللهیان، یمن‌ده‌کی حوثیلره قارشی اینگیلتره ایله بیرلیکده یئنی سالدیریلار باشلادان آمریکا بیرلشمیش دؤولتلرینه "ساواشین دایره‌سینین گئنیشله‌یه‌جگی" قونوسوندا اویاری مئساژی گؤندردیکلرینی سؤیله‌دی.
ایران دؤولت تلویزیونونون خبرینه گؤره، بیرلشمیش میللتلر گوونلیک شوراسینین غزه‌ده‌کی وضعیتله باغلی بو گون تشکیل ائدجگی ییغینجاغا قاتیلماق اوچون نیویورکا گئدن امیرعبداللهیان، بؤلگه‌ده‌کی گلیشمه‌لره دایر آچیقلاما وئردی.
آمریکانین اینگیلتره ایله بیرلیکده یمن‌ده‌کی حوثیلره قارشی تشکیل ائتدیگی هاوا سالدیریلارینا توخونان ایرانلی باخان،
"آمریکا و اینگیلتره‌یه، بؤلگه‌ده باریش و گوونلیگی تهدید ائد‌ن سالدیریلارینین ساواشین دایره‌سینی گئنیشله‌دجگی قونوسوندا مئساژ و جدی اویاریلار گؤندردیک" دئدی.
یمن‌ده ایران دستکلی حوثیلر، عدن کؤرفزینده آمریکا بیرلشمیش دؤولتلرینه عاید بیر یۆک گمیسینی گمی‌سووار موشکلری ایله ووردوقلارینی، آمریکا و اینگیلتره گوجلرینین ایسه باشکند صنعایا هاوا سالدیریسی تشکیل ائتدیگینی آچیقلامیشدی.
