پئسکوو: پوتینین تۆرکیه سفرینین حاضرلیقلاری داوام ائدیر
"روسیا و تۆرکیه آراسیندا اۆست سویه‌ده‌کی تگؤروشمه‌لر گوندمده و حاضرلانیر. ایکی لیدئر سفرین تاریخی ایله باغلی آنالاشدیغی زامان بیلگیلندیره‌جییک"
روسیا دؤولت باشقانلیغی سارایی کرملین سؤزچوسو دمیتری پئسکوو، دؤولت باشقانی ولادیمیر پوتینین تۆرکیه‌یه سفرینین حاضرلیقلارینین داوام ائتدیگینی ایفاده ائتدی.
دمیتری پئسکوو، موسکوادا گۆنجل مؤوضوعلارا باغلی آچیقلامالار وئردی.
پوتینین تۆرکیه‌یه سفرینین حاضرلیقلارینین داوام ائتدیگینی ایفاده ائد‌ن پئسکوو،
"روسیا و تۆرکیه آراسیندا اۆست سویه‌ده‌کی گؤروشمه‌لر گوندمده و حاضرلانیر. ایکی لیدئر سفرین تاریخی ایله باغلی آنالاشدیغی زامان بیلگیلندیره‌جییک" دئدی.
اؤته طرفدن، روسیا اوردوسونون اوکراینانین باشکندی کیئو و خارکیئو شهرینه قارشی سحر ساعاتلاریندا سالدیری تشکیل ائتدیگینه دقت چکه‌ن پئسکوو، بونون اوکراینا اوردوسونون هفته سونو تشکیل ائتدیگی، دونتسکده ۲۸ نفرین اؤلومونه سبب اولان سالدیرییا قارشیلیق اولمادیغینی قید ائتدی.
پئسکوو،
"اؤزل عسگری عملیاتی داوام ائتدیریریک آنجاق کیئوین ائتدیکلرینین عکسینه اوردوموز، اجتماعی تاسیسلری، وطنداشلارین یاشادیغی محله‌لری، وطنداشلاری وورمور. بو، اوردوموزو کیئوین اوردوسوندان فرقلی قیلیر" ایفاده‌سینی ایشلتدی.
روسیانین ایلحاق ائتدیگی دونتسک شهرینه هفته سونو اوکراینا اوردوسون طرفیندن ائدیله‌ن سالدیریدا ۲۸ نفر اؤلموش، ان آز ۲۰ نفر یارالانمیشدی.
روسیا، بوتون مسئولیت صاحبی حکومتلر و اولوسلارآراسی قورولوشلارا بو سالدیرینی قیناماغا چاغیردی.
کرملین ده سالدیرینی "قورخونج ترور حرکتی" اولاراق تانیملایاراق قینامیشدی.
ایلگیلی‌لی خبرلر
تورکیه اوردوسو عراق و سوریه-ده 17 ترورچونو ضررسیزلشدیریلیب
عراق و سوریه-نین قوزئیینده بولوجو ترور تشکیلاتی پ.کا.کا-یا عاید 17 ترورچو ضررسیزلشدیریلیب.
آذربایجان و ائرمنیستان آراسیندا باریش دانیشیق‌لاری باشلاییب
قازاخیستانین آلماتی شهرینده آذربایجان و ائرمنیستان آراسیندا باریش دانیشیق‌لاری باشلاییب.
