پاکیستان ایرانا اعتراض ائتدی

پاکیستان، قونشوسو ایرانین تشکیل ائتدیگی سالدیریلارین هاوا ساحه‌سینی پوزدوغونو و ایکی اوشاغین اؤلومونه سبب اولدوغونو آچیقلادی.

پاکیستان خاریجی ایشلر باخانلیغیندان وئریلن آچیقلامادا، پاکیستانین اگمنلیگینین بو شکیلده پوزولماسینین قبول ائدیلمز اولدوغو و جدی نتیجه‌لر دوغورابیله‌جگی وورغولاندی.

آچیقلامادا، ایرانین پاکیستانین هاوا ساحه‌سینی سببسیز یئره پوزماسی شدتله قیناناراق، سالدیریدا ۲ اوشاغین حیاتینی ایتیردیگی، ۳ قیز اوشاغینین دا یارالاندیغی ایفاده ائدیلدی.

پاکیستان و ایران آراسیندا موختلیف ارتباط کاناللاری اولماسینا باخمایاراق بو یاسادیشی ائیلمین گئرچکلشمه‌سینین داها دا قایغی وئریجی اولدوغو وورغولانان آچیقلامادا،

"پاکیستانین گوجلو اعتراضی تهرانداکی ایران خاریجی ایشلر باخانلیغینین اوست سویه مسئولونا چاتدیریلدی" ایفاده‌لرینه یئر وئریلدی.

آچیقلامادا، ایران ایش‌گۆدررینین خاریجی ایشلر باخانلیغینا چاغیریلدیغی بیلدیریله‌رک، بو وضعیتین نتیجه‌لرینین مسئولیتینین بیرباشا ایرانا عاید اولاجاغینین چاتدیریلدیغی ایفاده ائدیلدی.

پاکیستانین هر زامان ترورون بؤلگه‌ده‌کی بوتون اؤلکه‌لر اوچون اورتاق بیر تهدید اولدوغونو و بیرگه حرکت ائدیلمه‌سی لازیم اولدوغونو وورغولادیغینا ایشاره ائدیله‌ن آچیقلامادا،

"بو جور تک طرفلی حرکتلر یاخشی قونشولوق ایلیشکیلرینه اویغون دئییل و قارشیلیقلی گۆونی جدی شکیلده زده‌له‌یه‌بیلر" ایفاده‌سی ایشله‌دیلدی.