میت، ترور هؤرگوتونه عاید استراتژیک هدفی ووردو

میللی استخبارت تشکیلاتی (میت)، سوریه‌نین قوزئیینده حلبین عین العرب بؤلگه‌سینده، فرانسا سیمان شیرکتی لافارژا عاید تاسیسین اولدوغو بؤلگه‌نین بیر بؤلومونده یووالانان، بؤلوجو ترور هؤرگوتو پ‌کاکا/ی‌پ‌گ‌لیلره عاید استراتژیک هدفی ووردو.

۲۰۱۳-۲۰۱۴ ایللرینده ترور هؤرگوتو داعشی مالیه‌لشدیردیگی اورتایا چیخان لافارژین تاسیسینین یئر آلدیغی یئرلشکه‌دن، بیر باشقا ترور هؤرگوتو پ‌کاکا/ی‌پ‌گ، ۲۰۱۵دن بو یانا سؤزده عسگری قرارگاه اولاراق ایستیفاده ائتمه‌یه داوام ائدیر.

میت، بازار گونو گون اورتا ساعاتلاریندا عین العربین گونئیینده‌کی یئرلشکه‌نین بیر قیسیمینه یووالانان پ‌کاکا/ی‌پ‌گ‌لی تروریستلره عاید نقطه‌نی هدف آلدی.

میت، سون اوچ گونده آیریجا بؤلوجو هؤرگوت پ‌کاکا/ی‌پ‌گ‌نین حلب، حسکه و رقه‌ده ترور مرکزی حالینا گتیردیگی، آرالاریندا حساس آلت‌یاپی تاسیسی و سؤزده یول کنترل نقطه‌لرینین اولدوغو اونلارجا هدفی یوخ ائتدی.

حسکه‌نین رومیلان بؤلگه‌سینده عوده نفت ساحه‌سی، قامیشلی‌دا بؤلوجو ترور هؤرگوتونون علی فرو یولونداکی مرکز بیناسی، قحطانیه، مالکیه، رومیلاندا پ‌کاکا/ی‌پ‌گ‌لیلرین ترور ائیلملرینه قایناق تامین ائد‌ن نفت و طبیعی گاز تاسیسلری وورولدو.

هدف آلینان پ‌کاکا/ی‌پ‌گ‌یه عاید بعضی تاسیسلرین آلتیندا ایسه هؤرگوتون تونل شبکه‌سینین گیریش و چیخیش نقطه‌لری یئر آلیر.

آنادولو آژانسی، ۷ سپتامبر ۲۰۲۱ده فرانسا شیرکتی لافارژین، ترور هؤرگوتو داعشی فرانسا استخباراتینین بیلگیسی داخیلینده مالیه‌لشدیردیگینی اثبات ائد‌ن سندلر یاییملامیش، سؤزو گئدن سندلر، دونیادا گئنیش شکیلده یانقیلانمیشدی.