ایسرائیل عسگرلری وورولان فیلیسطینلینی ماشینلا ازدی

ایسرائیل گۆجلرینین، ایشغال آلتینداکی اردن چایینین باتی ساحیلینده دۆنن آخشام ووردوغو فیلیسطینلینین اۆستوندن ماشینلا گئچدیگینی گؤستره‌ن گؤرونتولر اورتایا چیخدی.

اردن چایینین باتی ساحیلینین قوزئیینده‌کی طولکرم شهرینده ۳ فیلیسطینلینین اؤلدورولدوگو آنلار گوونلیک کامئراسی طرفینده ثبت ائدیلدی.

گؤرونتو‌ده، ایسرائیل گۆجلری طرفیندن وورولان ۳ فیلیسطینلینین یئره دۆشدوگو گؤرولور. بیر مدت داها سلاح سسلری یۆکسلرکه‌ن، داها سونرا ایسرائیل گۆجلرینه عاید جیپلر بؤلگه‌یه گیریر.

ایسرائیل گۆجلرینه عاید جیپ، وورولان بیر فیلیسطینلینین اۆزریندن گئچیر.

فیلیسطین ساغلیق باخانلیغیندان وئریله‌ن آچیقلامادا، دۆنن آخشام طولکرم‌ده‌کی باسقیندا، یوسف علی الهولی، احد سلمان موسی و طارق امجد شاهینین ایسرائیل عسگرلرینین ائتدیگی آتیش نتیجه‌سینده اؤلدورولدوگو بیلدیریلمیشدی.