پسکوو:"هوجوملار باتی اؤلکهلرینده تولید اولونان توپ و راکتلرله حیاتا کئچیریلیر"
روسیا پرزیدنتینین مطبوعات کاتیبی دمیتری پسکوو پایتاخت موسکوادا ژورنالیستلره آچیقلاما وئریب.
"روسیا اراضیسینه هوجوملار باتی اؤلکهلرینده تولید اولونان توپ و راکتلرله حیاتا کئچیریلیر".
بونو روسیا پرزیدنتینین مطبوعات کاتیبی دمیتری پسکوو پایتاخت موسکوادا وئردیگی آچیقلاما زامانی دئییب.
پسکوو اوکراینا اوردوسونون بلگورود شهرینه قارشی حیاتا کئچیردیگی هوجوملارینا توخوناراق دئییب:
"بو اونا گؤره مومکون اولدو کی، کیئو رهبرلیگی حربی هدفلری وورماقدان، سیویل هدفلری وورماقدان و شهرین مرکزینه هوجوم ائدهرک خوشه ای مهمات لاردان ایستیفاده ائتمکدن چکینمهدی. شهرین مرکزینده هئچ بیر حربی هدف یوخدور. طبیعی کی، اوردوموز بو تهلوکهنی اول مینوموما ائندیرمک، سونرا ایسه تامامیله آرادان قالدیرماق اوچون الیندن گلنی ائتمهیه داوام ائدهجک. بو سببدن خصوصی حربی عملیات داوام ائدیر".
پسکوو بیلدیریب کی، روسیا اراضیسینه ائدیلن هوجوملار باتی اؤلکهلرینده تولید اولونان سلاحلارلا حیاتا کئچیریلیب:
"یئنی ایل قاباغی اراضیمیزه، سیویل هدفلره، بلگورود شهرینین مرکزینه هوجوملار آلمانیا، فرانسا، ایتالیا، امریکا و دیگر اؤلکهلرده تولید اولونان توپ و راکتلرله حیاتا کئچیریلیر. بونو اونوتمامالیییق".
ایلگیلیلی خبرلر
تورکیه اوردوسو عراق و سوریه-ده 17 ترورچونو ضررسیزلشدیریلیب
عراق و سوریه-نین قوزئیینده بولوجو ترور تشکیلاتی پ.کا.کا-یا عاید 17 ترورچو ضررسیزلشدیریلیب.
آذربایجان و ائرمنیستان آراسیندا باریش دانیشیقلاری باشلاییب
قازاخیستانین آلماتی شهرینده آذربایجان و ائرمنیستان آراسیندا باریش دانیشیقلاری باشلاییب.