سنتکام: حوثی لر قیرمیزی دنیزه دوغرو ایکی راکت آتیبلار
امریکا مرکزی قوموتانلیغی (سنتکام) یمن-ده ایرانین دستکلدیگی حوثی لرین قیرمیزی دنیزه 2 ایکی بالیستیک راکت آتدیغینی آچیقلاییب.
امریکا مرکزی قوموتانلیغی (سنتکام) یمن-ده ایرانین دستکلدیگی حوثی لرین قیرمیزی دنیزه 2 ایکی بالیستیک راکت آتدیغینی آچیقلاییب.
سنتکام-ین "ایکس" سوسیال مئدیا پلاتفورموندا ائدیلن پایلاشیمیندا حوثی لرین یمن-ده نظارتی آلتیندا اولان بؤلگهدن قیرمیزی دنیزه ایکی بالیستیک راکت آتدیغی بیلدیریلیب.
"ژانویهنین 2-ده صنعا واختی ایله تخمینن 21:30-دا ایرانین دستکلدیگی عصیانچی لار یمن-ین حوثی لرین نظارتینده اولان حیسهسیندن قیرمیزی دنیزین جنوبونا دوغرو ایکی گمی علیهینه بالیستیک راکت آتیبلار"، - دئیه قوموتانلیق "ایکس" سوسیال پلاتفورموندا یاییملانان بیاناتیندا بیلدیریب.
بیاناتدا "بو غیری-قانونی حرکتلر اونلارلا گوناهسیز دنیزچینین حیاتینی تهلوکه آلتینا آلیر و اولوسلار آراسی تیجارتین آزاد آخینینی پوزماقدا داوام ائدیر. بو، 19 نوامبردان بری قیرمیزی دنیزین جنوبوندا تیجارت گمیچیلیگینه قارشی 24-جو هوجومدور" دئییلیب.