تورکیه کشفیاتی داها بیر ترورچونو ضررسیزلشدیریب
تورکیه میللی کشفیات تشکیلاتی (میت) سوریه-نین قامیشلی بؤلگهسینده پ.کا.کا/ی.پ.گ-نین قوندارما مسئوللاریندان اولان ایمن جولینی عملیاتلا ضررسیزلشدیریب.
تورکیهنین میللی کشفیات تشکیلاتی (میت) پ.کا.کا/ی.پ.گ ترور تشکیلاتینین داها بیر عضوونو سوریه-نین شیمالیندا قامیشلی بؤلگهسینده کئچیریلن عملیاتلا ضررسیزلشدیریب.
معلوماتا گؤره، اصلن سوریه-نین آموده بؤلگهسیندن اولان ایمن جولی تشکیلاتا 2013-جو ایلده قوشولوب. تورکیه دؤولتینه قارشی بیر سیرا عملیاتلاردا ایشتیراک ائدن ترورچو پ.کا.کا/ی.پ.گ طرفیندن تورکیه دؤولتینین سرحدده تهلوکهسیزلیک قوهلرینه قارشی آکسیالار تشکیل ائدن "مسئول شخص"لری آراسیندا یئر آلیب.
قئید ائدک کی، ایمن جولی سرحد خطینده و "باریش چشمهسی" عملیاتی زامانی تهلوکهسیزلیک قوهلرینه قارشی آکسیالار تشکیل ائدیب و قارشیدورمالارا قاتیلیب.
ایلگیلیلی خبرلر
تورکیه اوردوسو عراق و سوریه-ده 17 ترورچونو ضررسیزلشدیریلیب
عراق و سوریه-نین قوزئیینده بولوجو ترور تشکیلاتی پ.کا.کا-یا عاید 17 ترورچو ضررسیزلشدیریلیب.
آذربایجان و ائرمنیستان آراسیندا باریش دانیشیقلاری باشلاییب
قازاخیستانین آلماتی شهرینده آذربایجان و ائرمنیستان آراسیندا باریش دانیشیقلاری باشلاییب.