تهران و البرزدا تحصیله آنلاین داوام ائدیله‌جک

ایرانین تهران و البرز ایالتلرینده یاشانان هاوا چیرکلیلیگی سببی ایله بۆتون مقطعلرده تحصیله آنلاین داوام ائدیله‌جک.

ایران رسمی آژانسی ایرنایا گؤره، تهران والی کؤمکچیسی میر محمد غراوی بو قونویا باغلی آچیقلاما وئردی.

غراوی، هاوا چیرکلیلیگینین آرتاراق داوام ائتمه‌سی سببی ایله بۆتون مقطعلر اوچون تحصیلین آنلاین داوام ائده‌جگینی ایفاده ائتدی.

سؤزو گئدن قرارین تهران هاوا چیرکلیلیگی عاجیل وضعیت کمیته‌سینین توصیه‌سی اۆزرینه آلیندیغینی بیلدیرن غراوی، بونا گؤره دۆنن و بو گۆن اۆز اۆزه تحصیل اولمادیغینی ایفاده ائتدی.

غراوی، بو مدت بویونجا اوخول اؤنجه‌سی تحصیلینه ده آرا وئریله‌جگینی ایفاده ائد‌رک ایالتین فیروزکوه ائلجچه‌سینده تحصیله اۆز اۆزه داوام ائدیله‌جگینی قید ائتدی.

تهران هاوا چیرکلیلیگی عاجیل دوروم کومیته‌سینین قرارینا گؤره، ایکی گۆن بویو دیزل یاناجاقلا چالیشان آغیر واسطه‌لر گئجه ده شهرین مرکزینه گیره‌بیلمه‌یه‌جک، تهران بلدیه‌سی ده آراج گیریشینه محدودلاشدیرما گتیریله‌ن بؤلگه‌لره گیریش بلیتی ساتمایاجاق.

اؤته یاندان، البرز والیلیگیندن وئریلن آچیقلامادا دا یارین ایالتین طالقان و آسارا شهرلری دیشیندا‌کی یئرلرده اولان بۆتون تحصیل مقطعلرینده تحصیلین آنلاین اولاجاغی ایفاده ائدیلدی.