ایران ایله روسیا تحریملره قارشی آنلاشما امضالادی
ایران خاریجی ایشلر باخانی، خزر دنیزینه ساحلی اولان اؤلکهلرین خاریجی ایشلر باخانلاری ییغینجاغی اوچون گئتدیگی روسیانین باشکندی موسکوادا، مطبوعات منسوبلارینا آچیقلامالار وئردی
ایران خاریجی ایشلر باخانی حسین امیرعبداللهیان، روسیا ایله باتیلی اؤلکهلرین اقتصادی تحریملرینه قارشی امکداشلیق آنلاشماسی ایمضالادیقلارینی بیلدیردی.
ایران دؤولت تلویزیونونا گؤره، امیرعبداللهیان، خزر دنیزینه ساحلی اولان اؤلکهلرین خاریجی ایشلر باخانلاری ییغینجاغی اوچون گئتدیگی روسیانین باشکندی موسکوادا، مطبوعات منسوبلارینا آچیقلامالار وئردی.
۲۶ اؤلکهنین آمریکا بیرلشمیش دؤولتلری و یا باتیلی بعضی اؤلکهلرین تک طرفلی اقتصادی تحریملرینه معروض قالدیغینی ایفاده ائدن امیرعبداللهیان،
"ایران، ۳ ایل اؤنجه، بو اؤلکهلرله بیر بلوک و یا بیرلیک قورماق اوچون تکلیف وئردی. روسیاییلا بو قونودا آنلاشما ایمضالادیق" دئدی.
ایرانلی باخان، سؤزو گئدن بیرلیگین قورولماسییلا، تحریملرین تاثیرسیز حالا گتیریلمهسی و تحریمه اوغرایان اؤلکهلرین رفاه و قالخینما سویهلرینین آرتیریلماسینین آماجلاندیغینی قید ائتدی.