اوکراینا، روسیایا عاید ۴۱ ایها و بیر اوچاق دۆشوردو
اوکراینانین، روسیایا عاید "شاهد" تیپی ۴۱ اینسانسیز هاوا آراجینی ووردوغونو، بیر سو-۲۴م اوچاغینی دا سالدیغی بیلدیریلدی
اوکراینانین، روسیایا عاید "شاهد" تیپی ۴۱ اینسانسیز هاوا آراجینی (ایها) ووردوغونو، بیر سو-۲۴م اوچاغینی دا سالدیغی بیلدیریلدی.
اوکراینا هاوا گوجلری قوموتانلیغیندان وئریلهن آچیقلامادا، دونن گئجه روس اوردوسونون، اوکراینا تورپاقلارینا قیریمدان و روسیانین کورسک بؤلگهسیندن ایهالارلا سالدیری تشکیل ائتدیگی ایفاده ائدیلدی.
روسیانین سالدیریدا ۴۸ ایهادان ایستیفاده ائتدیگینه ایشاره ائدیلهن آچیقلامادا، اوکراینا هاوا ساوونماسینین ائتدیگی محاربه چالیشمالاری نتیجهسینده ۴۱ ایهانین امحاء ائدیلدیگی بیلدیریلدی.
اوکراینا هاوا گوجلری باشچیسی نیکولای اولشچوک، سوسیال مئدیا حسابیندان ائتدیگی پایلاشیمدا، دونن قارادنیزدهکی ایلان آداسی یاخینلارینا بیر سو-۳۰سم اوچاغینین قوروماسی آلتیندا، اودسا بؤلگهسینین گونئیینه موشک و بومبا سالدیریسی تشکیل ائتمهیه چالیشان بیر روس سو-۲۴م اوچاغینین دۆشورولدوگونو قید ائتدی.
اوکراینا دؤولت باشقانی ولودیمیر زلنسکی ده سوسیال مئدیا حسابیندان وئردیگی پایلاشیمدا، روس تاوچاغینین سالینماسیندان اؤترو هاوا ساوونما گۆجلرینه تشکر ائدرک،
"(اوچاق) اودسا بؤلگهسینی بومبالاماغا گئدیردی. اؤزللیکله اودسا بؤلگهسینده هاوا ساوونمامیزی یاواش یاواش اما فرق ائدیلیر شکیلده گوجلهندیریریک. بو وظیفهنی باجارمامیز اوچون کؤمکچی اولان هر اؤلکهیه تشکر ائدیرهم" ایفادهلرینی ایشلتدی.
ایلگیلیلی خبرلر
تورکیه اوردوسو عراق و سوریه-ده 17 ترورچونو ضررسیزلشدیریلیب
عراق و سوریه-نین قوزئیینده بولوجو ترور تشکیلاتی پ.کا.کا-یا عاید 17 ترورچو ضررسیزلشدیریلیب.
آذربایجان و ائرمنیستان آراسیندا باریش دانیشیقلاری باشلاییب
قازاخیستانین آلماتی شهرینده آذربایجان و ائرمنیستان آراسیندا باریش دانیشیقلاری باشلاییب.