غزهدهکی تونللره سو دولدورولاجاغی ادعا ائدیلدی
"یئرآلتی تونللرینین ایستیفادهسینی اؤنلهمک اوچون بوتون سئچهنکلری دگرلندیریریک"
ایسرائیل باش قرارگاه باشقانی هرتزی هالوی، غزه یولاغیندا حماسا عایید یئرآلتی تونللرینه "دنیز سویو دولدورمانین یاخشی بیر فیکیر اولدوغونو" ایفاده ائتدی.
هالوی، ایسرائیل اوردوسونون قورو عملیاتینی گئنیشلتمهیه چالیشدیغی غزه یولاغی اطرافینا گئدیب آچیقلامالار وئردی.
آمریکانین وال استریت ژوورنال قزئتینین "ایسرائیل اوردوسونون، حماسا عایید یئرآلتی تونللرینه دنیز سویو باساجاغی" ادعاسی حاقیندا هالوی، "یئرآلتی تونللرینین ایستیفادهسینی اؤنلهمک اوچون بوتون سئچهنکلری دگرلندیریریک. تونللری سویلا دولدورماق یاخشی بیر فیکیردیر. هله بو قونودا آچیقلاما وئرمهیهجهیهم" دئدی.
ایسرائیل باش قرارگاه باشقانی، غزهده بیردن چوخ یئرآلتی یاپیلارییلا قارشیلاشدیقلارینی، "حماس عضولرینین بو یاپیلاردان ایستیفاده ائتمهسینی اؤنلهمک اوچون پاتلاتما، ییخما کیمی سئچهنکلر ده داخیل فرقلی اصوللارا صاحب اولدوقلارینی" ایفاده ائتدی.