امیرعبداللهیان عمانلی قونومداشی ایله گؤروشدو
ایران خاریجی ایشلر باخانی امیرعبداللهیان، رسمی سفر چرچیوهسینده باشکند تهراندا اولان عمانین خاریجی ایشلر باخانی البوسعیدی ایله اورتاق مطبوعات توپلانتیسی تشکیل ائتدی
ایران خاریجی ایشلر باخانی حسین امیرعبداللهیان ایله عمانلی قونومداشی بدر بن حمد البوسعیدی، غزهدهکی سون وضعیت ایله ایکیلی ایلیشکیلری دانیشدی.
ایران خاریجی ایشلر باخانی امیرعبداللهیان، رسمی سفر چرچیوهسینده باشکند تهراندا اولان عمانین خاریجی ایشلر باخانی البوسعیدی ایله اورتاق مطبوعات توپلانتیسی تشکیل ائتدی.
البوسعیدی ایله گؤروشمهسینین اؤنملی باشلیقلاریندان بیرینین غزه و اردن چایینین باتی ساحیلیندهکی گلیشمهلر اولدوغونو بیلدیرن عبداللهیان، ایسرائیلین غزه و اردن چایینین باتی ساحیلینه قارشی سالدیریلارینین، آمریکا بیرلشمیش دؤولتلری خاریجی ایشلر باخانی آنتونی بلینکنین ایسرائیلین ساواش کابینهسینین ییغینجاغینا قاتیلماسییلا باشلادیغینی ایفاده ائتدی.
امیرعبداللهیان،
"آوروپا بیرلیگی، مئدیادا ایسرائیله قادینلاری، اوشاقلاری و وطنداشلاری اؤلدورمهمهسینی توصیه ائدرکهن عملده تلآویوه یاشیل ایشیق یاندیراراق غزهدهکی سویقیریمی دستکلهییر" ایفادهسینی ایشلتدی.
امیرعبداللهیان، بؤلگهده ساواشین گئنیشلهمهسی احتیمالی اولدوغونو وورغولایاراق،
"ساواش آرخاسیندا اولان بوتون طرفلر، چوخ گئج اولمادان قادین و اوشاقلارین اؤلدورولمهسینه قارشی یئنی بیر سالدیرینی وردورمالاری قونوسوندا اویاری ائدیلیر" ایفادهسینی ایشلتدی.
۷ اکتبرداکی الاقصی توفانی سالدیریسیندا فیلیسطینلی قروپلار طرفیندن سند و بیلگیسایارلارین اله گئچریلدیگینی سؤیلهیهن ایرانلی باخان، سؤزو گئدن سندلره گؤره ایسرائیلین بوتون تورپاقلاری اله گئچرمهیی پلانلادیغی، غزه خالقینی مصره، اردن چایینین باتی ساحیلینده یاشایان خالقی دا اردنا کؤچ ائتدیرمهیی هدفلهدیگینی ایفاده ائتدی.
عمانین خاریجی ایشلر باخانی البوسعیدی ده بحرانی حل ائتمک و "ایسرائیلین سالدیرقانلیغینی" سونا چاتدیرماق اوچون تئز زاماندا حرکته گئچیلمهسی لازیم اولدوغونو ایفاده ائدرک،
"ایشغال سونا چاتمازسا و اولوسلارآراسی حقوقا دایانان مستقیل بیر فیلیسطین دؤولتی قورولمازسا بؤلگهده گوونلیک و ثابتلیک هئچ بیر شکیلده تامین ائدیلهبیلمهیهجک" دگرلندیرمهسینی دیله گتیردی.