امیرعبداللهیان: ایرانین بؤلگهده هئچ بیر "وکیل گروهو" یوخ
ایران خاریجی ایشلر باخانی امیرعبداللهیان، تهرانداکی خاریجی ایشلر باخانلیغی بیناسیندا دونن تشکیل ائدیلهن پروگرامدا خاریجی اؤلکه ائلچیلری و اولوسلارآراسی قوروملارین نمایندهلرینه دانیشدی
ایران خاریجی ایشلر باخانی حسین امیرعبداللهیان، غزهده ایشلهنهن ساواش سوچلارینین مسئوللارینین محاکیمه اولونماسی اوچون چابالارینی داوام ائتدیرهجکلرینی سؤیلهدی.
فارس خبر آژانسینا گؤره، امیرعبداللهیان، تهرانداکی خاریجی ایشلر باخانلیغی بیناسیندا دونن تشکیل ائدیلهن پروگرامدا خاریجی اؤلکه ائلچیلری و اولوسلارآراسی قوروملارین نمایندهلرینه دانیشدی.
ایسرائیلین مولکی قیرغینلارینا ایشاره ائدن امیرعبداللهیان،
"(غزهدهکی) ساواشین بیتیمیندن سونرا، بو سوچلاری ایشلهیهن آمیر و عامیللرین اولوسلارآراسی محکمهده محاکیمه اولونمالاری اوچون چابالاریمیز داوام ائدجک" دئدی.
امیرعبداللهیان،
"چابالارین میوه وئرمهسی نتیجهسینده آتیشکسین گئرچکلشمهسی ایله غزه و اردن چایینین باتی ساحیلینده ساوونماسیز اینسانلارین، قادین و اوشاقلارین وحشیجه اؤلدورولمهسینین دوراجاغینی اومود ائدیریک" ایفادهلرینی ایشلتدی.
آمریکا بیرلشمیش دؤولتلرینین، تهران یؤنهتیمینه دفعهلرله "بؤلگهدهکی مقاومت گوجلرینی دوردورماسیسی اوچون" مئساژ گؤندردیگینی دیله گتیرهن امیرعبداللهیان، ایرانین بؤلگهده هئچ بیر "وکیل گروهونون" اولمادیغینی ساووندو.
ایرانلی باخان آیریجا، داوام ائدن ساواشدا واشینگتن یؤنهتیمینین تلآویوه سلاح گؤندریمینه آرالیقسیز داوام ائتدیگینی قید ائتدی.