پاشینیان، ارمنیستانین آذربایجان ایله آنلاشمایا واردیغینی سؤیله‌دی

ارمنیستان باشباخانی نیکول پاشینیان، اؤلکه‌سینین باریش اوچون لازیم اولان اساسلار قونوسوند‌ا آذربایجان ایله آنلاشمایا واردیغینی سؤیله‌دی.

ارمنیستانین باشکندی ایرواندا تشکیل ائدیله‌ن آوروپا گوونلیک و امکداشلیق پارلامنتر شورا‌سینین آچیلیشیندا دانیشان پاشینیان،

"بونونلا بیرلیکده، ایکی اؤلکه، 'فرقلی دیپلوماتیک دیللرده دانیشدیقلاری اوچون' بیربیرینی آنلاماقدا چتین‌لیک چکیر" دئدی.

پاشینیان، ایکی اؤلکه آراسینداکی داغلیق قاراباغدان دولایی اوزادیلمیش و یاخین زامانلارا قدر حل ائدیله بیلمه‌یه‌ن بحرانین آرتیق چیخمازدان قورتولدوغونو سؤیله‌دی.

پاشینیانین بو آچیقلاماسینین، ارمنیستانین آذربایجانا قارشی بیرلشمیش میللتلرین اولوسلارآراسی محکمه‌سینده ائتدیگی شکایتین تشکیل ائدیلن جلسه‌سیندن سونرا گلمه‌سی دقت چکدی.

ارمنیستان باشباخانینا گؤره، ارمنیستان و آذربایجان تورپاق بۆتونلوکلرینی قارشیلیقلی اولاراق تانیماقدادیر. طرفلر، ارمنیستان و آذربایجان آراسینداکی سرحدی تعیین ائد‌ن سیاسی عنصور اولاراق ۱۹۹۱ده قازاقیستانین آلماتی شهرینده ایمضالانان بیلدیرینی قبول ائدیر.

پاشینیان، آذربایجان ایله باریش اوچون لازیم اولان اوچونجو اصل اولاراق، بؤلگه‌سل ارتباطین و باغلارین، اؤلکه‌لرین اگمنلیگی، حقوقون اۆستونلوگو، برابرلیگی تملینده تکرار جانلانماسی لازیم اولدوغونو سؤیله‌دی.