غزه‌ده آغیر بومباردمان داوام ائتدی
غزه‌ده‌کی حکومت ایسرائیلین سالدیریلاریندا ۷ اکتبردان بو یانا ۱۱ مین ۵۰۰ فیلیسطینلینین اؤلدورولدوگونو بیلدیردی
ایسرائیل اوردوسونون محاصره آلتینداکی غزه یولاغینا قارشی سالدیریلاری داوام ائدیر.
غزه یولاغینین اورتا و قوزئیینده‌کی بعضی بؤلگه‌لر ایسرائیل ساواش اوچاقلاری و توپچولاری طرفیندن آغیر بومباردمان آتیشینا معروض قالدی.
فیلیسطین خبر آژانسی وفانین خبرینه گؤره، غزه یولاغینین اورتا کسیمینده‌کی نصیرات سیغینماچی دوشرگه‌سینده‌کی بیر ائوه ائدیله‌ن هاوا سالدیریسی نتیجه‌سینده اؤلنلر و یارالانانلار اولدو.
شهرین قوزئیینده‌کی اندونزی خسته‌خاناسی اطرافی و بیت لاهیا بؤلگه‌سی ساواش اوچاقلاری طرفیندن هدف آلیندی.
هاوا سالدیریلارییلا عینی‌واختلی اولاراق شهرین سالدیری آلتینداکی بؤلگه‌لری اوزرینه ایشیقلاندیرما فیشنگلری آتیلدی.
غزه‌نین اؤزللیکله رمال محله‌سی اولماق اوزره دیگر بعضی بؤلگه‌لرینه ایسه آغیر توپچو آتیشلاری ائدیلدی.
سالدیریلار سببی ایله یوللاردا آراجلارین حرکتی انگللنیرکن، یارالیلارین قورتاریلماسی مقصدی ایله بؤلگه‌لره آمبولانسلارین گئتمه‌سی مومکون اولمادی.
آیریجا ایسرائیل ساواش اوچاقلاری، ائولریندن آیریلماق مجبوریتینده قالان چوخ ساییدا غزه‌لینین اولدوغو "اورتا نفت مرکزی" آدییلا بیلینه‌ن بؤلگه‌نی ده ووردو. سالدیری نتیجه‌سینده اؤلو و یارالیلارین اولدوغو ایفاده ائدیلیر.
غزه‌ده‌کی حکومت ایسرائیلین سالدیریلاریندا ۷ اکتبردان بو یانا ۱۱ مین ۵۰۰ فیلیسطینلینین اؤلدورولدوگونو بیلدیردی.
ایسرائیل اوردوسو فیلیسطینلیلرین سیغیندیغی گونئیده‌کی خان یونوس بؤلگه‌سینه بروشور آتاراق بؤلگه‌نین بعضی نقطه‌لرینین عاجیل اولاراق بوشالدیلماسینی ایسته‌دی.
ایسرائیل اوردوسوندان وئریله‌ن آچیقلامادا، غزه‌نین قوزئیینده‌کی قچاتیشمالاردا یۆزباشی روتبه‌سینده‌کی ۲ عسگرین داها اؤلدوگو ایفاده ائدیلدی.
چاتیشمالاردا ۲ ایسرائیل عسگرینین ده آغیر یارالاندیغی ایفاده ائدیلدی.
غزه یولاغی ایچینده‌کی چاتیشمالاردا ۳۱ اکتبردان بو یانا اؤلدوروله‌ن ایسرائیل عسگرلرینین ساییسی ۵۰یه یوکسلدی.
