ایسرائیلین موسکوا ائلچیسیندن بیرلشمیش میللتلره تپکی
"بیرلشمیش میللتلرین بیزیم پروبلئمیمیزی حل ائده‌بیله‌جگیندن شوبهه‌لییه‌م چونکو بو گونه قدر بیرلشمیش میللتلرین هر هانسی بیر پروبلئمی حل ائتدیگینی گؤرمه‌دیم"
ایسرائیلین موسکوا ائلچیسی آلکساندر بن زوی، بیرلشمیش میللتلرین اورتا دوغو بحرانینی حل ائتمه قابیلیتیندن شوبهه دویدوغونو ایفاده ائتدی.
"بیرلشمیش میللتلرین بیزیم پروبلئمیمیزی حل ائده‌بیله‌جگیندن شوبهه‌لییه‌م چونکو بو گونه قدر بیرلشمیش میللتلرین هر هانسی بیر پروبلئمی حل ائتدیگینی گؤرمه‌دیم" دئیه‌ن دیپلومات، تشکیلاتی "زامان ایتیرمه" اولاراق تانیملادی.
زوی، "بو تشکیلات بو گونه قدر ایسرائیل اوچون، پروبلئمین حلی اوچون مثبت هئچ بیر شئی ائتمیش دئییل" دئیه دانیشدی.
بیرلشمیش میللتلر باش کاتیبی آنتونیو گوترش، تل‌آویوین غزه یولاغیندا‌کی ائیلملری قونوسوندا سرت بیر توتوم سرگیله‌ییر.
گوترش، ایسرائیلدن سیویل فیلیسطینلیلری قتل ائتمه‌یی بوراخماسی و یئرلی خالقا کؤمک آپاریلابیلمه‌سی اوچون بیر اینسانی کوریدور اولوشدورولماسی چاغریسی ائتمیشدی.
بو سببله ایسرائیل یؤنه‌تیمی گوترشی تنقید ائدیر و حتی باش کاتیبی استعفایا چاغیریر. تل‌آویو، بیرلشمیش میللتلرین نماینده‌لرینه ویزا وئریلمه‌سینی دوردوردو. بیرلشمیش میللتلرین غزه‌ده‌کی بینالاری دا ایسرائیلین هاوا سالدیریلارینا هدف اولور.
۱۲ نوامبردا بیرلشمیش میللتلر یاخین دوغودا‌کی فیلیسطینلی سیغینماچیلارا کؤمک و باییندیرلیق آژانسی (UNRWA)نین غزه‌ده‌کی بیناسی ایسرائیل سالدیریلاری نتیجه‌سینده جدی شکیلده زیان گؤرموشدو.
تشکیلات چالیشانلاری، سالدیریدان ۱،۵ ساعات اؤنجه بینانی ترک ائتمیشلردی، بو سایه‌ده سالدیریدان ائتکیلنه‌ن اولمامیشدی.
ایلگیلی‌لی خبرلر
تورکیه اوردوسو عراق و سوریه-ده 17 ترورچونو ضررسیزلشدیریلیب
عراق و سوریه-نین قوزئیینده بولوجو ترور تشکیلاتی پ.کا.کا-یا عاید 17 ترورچو ضررسیزلشدیریلیب.
آذربایجان و ائرمنیستان آراسیندا باریش دانیشیق‌لاری باشلاییب
قازاخیستانین آلماتی شهرینده آذربایجان و ائرمنیستان آراسیندا باریش دانیشیق‌لاری باشلاییب.
