آمریکا، ایرانا باغلی قروپلارا هاوا سالدیریلاری تشکیل ائتدی

آمریکا بیرلشمیش دؤولتلری، سوریه‌ده ایرانا باغلی قروپلارا هاوا سالدیریلاری تشکیل ائتدی.

آمریکا مرکز گوجلر باشچیلیغی (سنتکوم)، ایکس سوسیال مئدیا پلتفورمونداکی آچیقلاماسیندا، هاوا سالدیریلارینین ایران اینقیلابی گؤزتچیلری اوردوسو (سپاه) و اونا یاخین قروپلارین ایستیفاده ائتدیگی سوریه‌نین ابوکمال و میادین شهرلری اطرافینداکی تاسیسلره ائدیلدیگینی قید ائتدی.

آچیقلامادا، "آمریکا اؤزونو، پرسنلینی و چیخارلارینی ساوونماغا داوام ائد‌جک" ایفاده‌سی یئر آلدی.

آمریکا ساوونما باخانلیغی (پنتاگون) دا وئردیگی یازیلی آچیقلامادا، عراق و سوریه‌ده آمریکا پرسنلینه قارشی داوام ائد‌ن سالدیریلارا دایر سوریه‌نین دوغوسوندا سپاه و اونا یاخین قروپلار طرفیندن ایستیفاده ائدیله‌ن تاسیسلره هاوا سالدیریلاری تشکیل ائدیلدیگینی تائید ائتدی.

آچیقلامادا، وورولان هدفلردن بیرینین تعلیم تاسیسی، دیگرینین ده سیغیناجاق اولدوغو قید ائدیلدی.