ایران: آمریکا آتیش‌کس ایسته‌گینی بیزه چاتدیردی
"آمریکالیلار سون اوچ گونده بیزه، آتیش‌کس ایسته‌دیکلرینی و بو قونودا آددیملار آتدیقلارینی ایفاده ائد‌ن مئساژ گؤندردیلر اما عملده یالنیز غزه‌ده توپلو قیرغینی و سوی‌قیریمی دستکله‌ییرلر"
ایران خاریجی ایشلر باخانی حسین امیرعبداللهیان، آمریکا بیرلشمیش دؤولتلرینین اؤزلرینه، غزه یولاغیندا آتیش‌کس ایسته‌دیگی یولوندا مئساژ چاتدیردیغینی سؤیله‌دی.
ایران رسمی خبر آژانسی ایرنایا گؤره، امیرعبداللهیان، باشکند تهراندا مطبوعاتا وئردیگی آچیقلامادا،
"آمریکالیلار سون اوچ گونده بیزه، آتیش‌کس ایسته‌دیکلرینی و بو قونودا آددیملار آتدیقلارینی ایفاده ائد‌ن مئساژ گؤندردیلر اما عملده یالنیز غزه‌ده توپلو قیرغینی و سوی‌قیریمی دستکله‌ییرلر" دئدی.
ایرانلی باخان،
"آمریکانین تئزلیکله سیاستینی دییشدیرمه‌سینی و ایشغالچی طرفه (ایسرائیل) دستک وئرمه‌مه‌سینی اومود ائدیریک" دئیه دانیشدی.
حماسین سلاحلی قانادی عزالدین القسام توغایلاری، ۷ اکتبر سحری، ایسرائیلین "فیلیسطینلیلره و باشدا مسجدی الاقصی اولماق اوزره قوتسال دگرلرینه قارشی داواملی پوزونتولارینا جاواب وئرمه" سببی ایله گئنیش سالدیری تشکیل ائدرکن، ایسرائیل اوردوسو دا غزه یولاغینا آغیر هاوا بومباردمانی باشلاتمیشدی.
ایسرائیل، غزه‌دن تشکیل ائدیله‌ن سالدیریلاردا ۳۱۵ی عسگر ۱۴۰۰دن چوخ ایسرائیللینین اؤلدوگونو، ۵ مین ۱۳۲ نفرین یارالاندیغینی بیلدیردی.
ایسرائیله گؤره ۳۱ اکتبردان بو یانا غزه یولاغیندا‌کی چاتیشمالاردا اؤلن عسگر ساییسی ۳۰ نفره یوکسلرکن، قسام توعایلارینین الینده ۲۴۲ ایسرائیللی اسیر وار.
ایسرائیلین غزه‌یه قارشی سالدیریلاریندا ایسه اکثریتی اوشاق و قادین، ۱۰ میندن چوخ فیلیسطینلی اؤلدورولدو، ان آز ۲۵ مین نفر ده یارالاندی.
اردن چایینین باتی ساحیلی و قدسدا دا ایسرائیل گوجلری و یهودی یئرله‌شیمچیلر، ۱۵۹ فیلیسطینلینی اؤلدوردو.
