خامنه‌ای، تهراندا ایسماعیل هنیه ایله گؤروشدو
هنیه‌دن ایسرائیلین سالدیریلاری و غزه‌ده‌کی گلیشمه‌لر حاقیندا بیلگی آلان خامنه‌ای، ایسلام اؤلکه‌لری و اولوسلارآراسی توپلومون غزه خالقینی داها گوجلو دستکله‌مه‌لری لازیم اولدوغونو قید ائتدی
ایران دینی لیدئری علی خامنه‌ای، ایسرائیلین سالدیریلارینا قارشی ایسلام اؤلکه‌لری و اولوسلارآراسی توپلومون غزه خالقینا داها گوجلو دستک وئرمه‌سی لازیم اولدوغونو ایفاده ائتدی.
ایرانین رسمی خبر آژانسی ایرنایا گؤره، خامنه‌ای، باشکند تهراندا حماس سیاسی دفتری باشقانی ایسماعیل هنیه ایله بیر آرایا گلدی.
گؤروشمه‌ده هنیه‌دن ایسرائیلین سالدیریلاری و غزه‌ده‌کی گلیشمه‌لر حاقیندا بیلگی آلان خامنه‌ای، ایسلام اؤلکه‌لری و اولوسلارآراسی توپلومون غزه خالقینی داها گوجلو دستکله‌مه‌لری لازیم اولدوغونو قید ائتدی.
غزه خالقینین ایسرائیلین سالدیریلاری قارشیسینداکی دوروشوندان اؤوگو ایله دانیشان خامنه‌ای، اؤزللیکله ایسلام اؤلکه‌لرینین غزه‌لیلری هر یؤندن دستکله‌مه‌لری لازیم اولدوغونو وورغولادی.
اؤته یاندان، ایران خاریجی ایشلر باخانی حسین امیرعبداللهیان، غزه‌ده مینلرجه اوشاغین اؤلدورولدوگونو، بونون اینسانلیق دیشی اولدوغونو سؤیله‌دی.
امیرعبداللهیان، ایتالیا دؤولت تلویزیونو آرآی‌ای ۱ کانالینا وئردیگی اؤزل مصاحیبه‌ده، "ایسرائیل غزه‌ده‌کی وطنداشلارا قارشی سالدیریلارینا داوام ائتسه، ساواش قاچینیلماز اولاراق گئنیشله‌یه‌جک. لبنان و یمنده ائیلملرینی آرتیرابیله‌جک باشقا مقاومت گوجلری فعالیت گؤستریر" دئدی.
امیرعبداللهیان، حماسی، "فیلیسطین خالقینا ائدیلن ظلمه قارشی مشروع بیر دیرنیش گوجو اولاراق" تانیدیقلارینی بیلدیردی.
اوشاقلارین اؤلدورولمه‌سینی اونایلامادیقلارینی ایفاده ائد‌ن امیرعبداللهیان، "غزه‌ده فیلیسطینله مینلرجه اوشاق اؤلدو، بو اینسانلیق دیشی" ایفاده‌لرینی ایشلتدی.
ایران خاریجی ایشلر باخانی، ایتالیانین تئزلیکله آتیش‌کس اعلان ائدیلمه‌سی اوچون آمریکا بیرلشمیش دؤولتلرینه باسقی ائتمه‌سی لازیم اولدوغونو ایفاده ائتدی.
