ایران: کنترلون طرفلرین الیندن چیخما احتیمالی وار
"غزه خالقینا قارشی قیرغین و سویقیریم سببی ایله، باتی آسیا بؤلگهسیندهکی وضعیت بوتون اؤلکهلر اوچون قایغی وئریجی اؤلچولره یوکسلدی"
ایران خاریجی ایشلر باخانی حسین امیرعبداللهیان، ایسرائیلین غزهیه سالدیریلاریلارینین قایغی وئریجی اؤلچولره چاتدیغینی و کنترلون هر آن بوتون طرفلرین الیندن چیخما احتیمالی اولدوغونو سؤیلهدی.
ایرانلی اؤیرنجیلر خبر آژانسی ایسنایا گؤره، امیرعبداللهیان، بیرلشمیش میللتلردهکی فیلیسطینه باغلی اولاغاناوستو اوتورومونا قاتیلماق اوزره، آمریکا بیرلشمیش دؤولتلرینین نیویورک شهرینه گئدرکهن مطبوعات منسوبلارینا آچیقلامالار وئردی.
امیرعبداللهیان،
"آمریکا و بعضی آوروپا اؤلکهلرینین کور کورانه صهیونیست رژیمه وئردیگی دستکله غزه خالقینا قارشی قیرغین و سویقیریم سببی ایله، باتی آسیا بؤلگهسیندهکی وضعیت بوتون اؤلکهلر اوچون قایغی وئریجی اؤلچولره یوکسلدی. کنترل هر آن بوتون طرفلرین الیندن چیخابیلر" دئدی.
تئزلیکله ایسرائیل سالدیریلارینین دورماسی و غزهیه اینسانی یاردیمین چاتدیریلماسی لازیم اولدوغونو بیلدیرن ایرانلی باخان، فیلیسطینلی قروپلارین ایسرائیله قارشی تورپاقلارینی ساوونما حاقلارینین اولدوغونو و بونون اولوسلارآراسی حقوق و بیرلشمیش میللتلر شرطلرینه اویغون اولدوغونو خاطیرلاتدی.
حماسین عسگری قانادی قسام توغایلاری، ۷ اکتبر جمعهائرتهسی گونو اسرائیله "الاقصی توفانی" آدلی احاطهلی بیر سالدیری باشلاتدیغینی بیلدیرمیشدی. غزهدن اسرائیله مینلرجه راکت آتیلارکهن سلاحلی قروپلار دا بؤلگهدهکی یئرلهشیم یئرلرینه گیرمیشدی.
اسرائیل اوردوسو دا ساواش اوچاقلاری ایله غزهیه دمیر قیلینجلار عملیاتی باشلاتدیغینی آچیقلامیشدی.
آرتان گرگینلیکده هر ایکی طرفدن مینلرلجه اؤلو وار.