تورکیه اوردوسو عراق-ین قوزییینده ترورچولارا قارشی عملیات کئچیریب
تورکیه حربی هاوا قوهلری عراق-ین قوزییینده پ.کا.کا ترورچولارا مخصوص هدف لری ووروب.
عراق-ین قوزیی ینده حیاتا کئچیریلن هاوا عملیاتلاری ایله بولوجو ترور تشکیلاتینین ایستیفاده ائتدیگی و ترورچولارین اولدوغو دوشونولن ماغارا، سیغیناجاق و انبارلاردان عبارت 19 هدف محو ائدیلیب.
میللی ساوونما ناظیرلیگیندن وئریلن بیاناتدا بولوجو ترور تشکیلاتی پ.کا.کا/کا.ج.کا و دیگر ترور عنصورلارینین ضررسیزلشدیریلمهسی، عراق-ین قوزیی یندن تورکیه-یه و تهلوکهسیزلیک قوهلرینه قارشی حیاتا کئچیریلن ترور آکتلارینین آرادان قالدیریلماسی و سرحد تهلوکهسیزلیگینین تامین ائدیلمهسی مقصدیله هاوا عملیاتینین حیاتا کئچیریلدیگی بیلدیریلیب.
هاوا عملیاتینین بمت نیظامنامهسینین 51-جی مادهسیندن ایرهلی گلن اؤزونو ساوونما حقوقو چرچیوهسینده حیاتا کئچیریلدیگی قئید اولونوب.
بیاناتدا بو ایفادهلره یئر وئریلیب: "کئچیریلن عملیاتلاردا یئرلی و میللی ایمکانلارلا حاضیرلانان سلاح-مهماتدان ماکسیموم ایستیفاده ائدیلهرک چوخ سایدا ترورچو ضررسیزلشدیریلیب. بو عملیات زامانی گوناهسیز اینسانلارا، دوست عنصورلره، تاریخی-مدنی ثروتلره و اطراف موحیطه زیان دیمهمهسی اوچون لازیمی تدبیرلر گؤرولوب.