ایران وطنداش‌لاری‌نین تورکیه-‌ده ساتین آلدیق‌لاری داشینماز املاک سایی آچیقلانیب

2023-جی ایلین ژانویه-سپتامبر آیلاریندا ایران وطنداش‌لاری تورکیه-‌ده 3 مین 598 داشینماز املاک ساتین آلیب‌لار کی، بو دا کئچن ایلین عینی دؤورو ایله موقاییسه‌ده مین 2 مین 942 ائو آزدیر.

معلوماتا گؤره، بو ایلین سپتامبر آییندا ایران وطنداش‌لاری تورکیه-‌ده 327 داشینماز املاک آلیب‌لار کی، بو دا 2022-جی ایلین سپتامبر آیی ایله موقاییسه‌ده 265 ائو آزدیر.

قئید ائدک کی، 2023-جو ایلین سپتامبر آییندا تورکیه-‌ده 102 مین 656 منزیل ساتین آلینیب کی، بو دا 2022-جی ایلین سپتامبر آیی ایله موقاییسه‌ده 9،5 فایز آزدیر.

معلوماتا گؤره، 2023-جو ایلین ژانویه-سپتامبر آیلاریندا تورکیه-‌ده 900 مین 74 منزیل ساتین آلینیب.

"بو گؤستریجی‌لر 2022-جی ایلین عینی دؤورو ایله موقاییسه‌ده 14،9 فایز آزدیر"، - دئیه ناظیرلیک‌دن قئید ائدیلیب.

2023-جو ایلین سپتامبر آییندا تورکیه-‌ده خاریجی وطنداش‌لارا 2 مین 930 منزیل ساتیلیب کی، بو دا 2022-جی ایلین عینی دؤورو ایله موقاییسه‌ده 42 فایز آزدیر.

عینی ایلین ژانویه-سپتامبر آیلاریندا اجنبی وطنداش‌لار تورکیه-‌دن 28 مین 64 منزیل آلیب‌لار کی بودا کئچن ایلین عینی دؤورو ایله موقاییسه‌ده 43،5 فایز آزدیر.