ایسرائیللیلر نتانیاهونون استعفاسینی ایستهییر
یدیعوت آحرونوت قزئتی، اؤلکهده ۱۸ یاش اوستو ۱۴۴۲ نفرین قاتیلدیغی بیر اجتماعی یوخلانین نتیجهلرینی پایلاشدی
ایسرائیلده ائدیلهن بیر سورغویا گؤره، قاتیلیمچیلارین یوزده ۶۶سی ۷ اکتبردا یاشانان یانلیشلاردان اؤترو باشباخان بنیامین نتانیاهونون ساواشدان سونرا استعفاسینی ایستهییر.
ایسرائیلین یدیعوت آحرونوت قزئتی، اؤلکهده ۱۸ یاش اوستو ۱۴۴۲ نفرین قاتیلدیغی بیر اجتماعی یوخلانین نتیجهلرینی پایلاشدی.
سؤزو گئدن آراشدیرمایا گؤره، آنکئته قاتیلانلارین یوزده ۷۵ی ۷ اکتبردا حماسین عسگری قانادی عزالدین قسام توغایلارینین باشلاتدیغی اقصی توفانی سالدیریلاریندا یاشانان ایسرائیلدهکی گوونلیک ضعفیندن باشباخان نتانیاهونون مسئول اولدوغونا اینانیر.
سورغویا قاتیلانلارین یوزده ۶۶سی ساواشین آردیندان نتانیاهونون استعفاسینی ایسترکهن، یوزده ۶۴و ساواشدان سونرا ایسرائیل مجلیسینین لغو ائدیلمهسینی و عمومی سئچیملرین ائدیلمهسینی طلب ائدیر.
اؤنجهکی سئچیمده نتانیاهونون پارتیسی لیکودا سس وئردیگینی ایفاده ائدنلرین یوزده ۴۵ی ده ساواشین همن آردیندان سئچیملرین ائدیلمهسینی ایستهییر.
یدیعوت آحرونوت قزئتی، بو گون یاییملانان بیر خبرینده، محاصره آلتینداکی غزه زولاغینداکی گونجل گلیشمهلر قونوسوندا نتانیاهو ایله ایسرائیل اوردوسو آراسیندا گووهن بحرانی یاشاندیغینی یازمیشدی.
هارتز قزئتینده دونن چیخان خبرده ده نتانیاهونون ۷ اکتبرداکی سالدیریلارین تخمین ائدیلهبیلمهمهسینین مسئولیتیندن قاچماغا و بو مسئولیتی ایسرائیل اوردوسونا یوکلهمهیه چالیشدیغی ایفاده ائدیلمیشدی.
ایلگیلیلی خبرلر
تورکیه اوردوسو عراق و سوریه-ده 17 ترورچونو ضررسیزلشدیریلیب
عراق و سوریه-نین قوزئیینده بولوجو ترور تشکیلاتی پ.کا.کا-یا عاید 17 ترورچو ضررسیزلشدیریلیب.
آذربایجان و ائرمنیستان آراسیندا باریش دانیشیقلاری باشلاییب
قازاخیستانین آلماتی شهرینده آذربایجان و ائرمنیستان آراسیندا باریش دانیشیقلاری باشلاییب.