"اترنیتی-2023" مانورو باشلادی

آذربایجانین پایتاختی باکی-دا تورکیه، آذربایجان و گورجوستانین حربی قوللوقچولاری‌نین ایشتیراکی ایله "اترنیتی-2023" بیلگی سایار دستک‌لی قوماندا-قرارگاه مانورو کئچیریلیر.

بو باره‌ده آذربایجان ساوونما ناظیرلیگی معلومات یاییب.

تئوریک و پراکتیکی بؤلوم لردن عبارت اولان، اوچ اؤلکه‌نین حربی قوللوقچولاری‌نین و علاقه‌لی دؤولت قوروم‌لاری‌نین نوماینده‌لری‌نین جلب اولوندوغو مانوردا ایستراتژی اهمیت‌لی، ائله‌جه ده بولگه‌سل اقتصادی لاییحه‌لرین محافظه‌سی‌نین تشکیلی اوزره تاپشیریق‌لار ایجرا ائدیله‌جک.

اوکتبرین 6-دک داوام ائده‌جک مانوردا اساس مقصد هر اوچ اؤلکه‌نین سلاح‌لی قوه‌لری آراسیندا قارشی‌لیق‌لی امکداشلیغین گوجلندیریلمه‌سی و اوزلاشمانین تامین ائدیلمه‌سی‌دیر.