ایسراییل اوچاق لاری غزه-یه هاوا هوجومو تشکیل ائدیب
ایسراییله مخصوص ساواش اوچاق لاری غزه-نین محاصیره آلتیندا اولان بریج و جبالیه بؤلگهلرینده "حماس"ین ایکی موشاهیده منطقهسینه هاوا هوجومو حیاتا کئچیریب.
ایسراییله مخصوص ساواش اوچاق لاری غزه-نین محاصیره آلتیندا اولان بریج و جبالیه بؤلگهلرینده "حماس"ین ایکی موشاهیده منطقهسینه هاوا هوجومو حیاتا کئچیریب.
هدف نقطهلری "حماس"ین حربی قانادی قسام گردان لاری طرفیندن غزه-نین دوغو سرحدینه نظارت ائتمک اوچون ایستیفاده اولونور.
"حماس" مسئله ایله باغلی آچیقلاما وئرمهسه ده، ایسراییل اوردوسونون وئردیگی معلوماتدا سؤزوگئدن هوجوم تصدیقلنیب.
معلوماتدا "ایسراییل اوردوسونا مخصوص اینسانسیز هاوا آراجینین شدتلی اغتیشاشلارین باش وئردیگی بریج و جبالیه بؤلگهلرینده "حماس"ا مخصوص ایکی حربی منطقهنی بومبالادیغی" بیلدیریلیب. همچینن، "غزه سرحدینده تهلوکهسیزلیک حصارینین یاخینلیغینداکی حربی قوهلره قارشی خاوسون یاشاندیغی بؤلگهدن آتیش آچیلدیغی" ادعا ائدیلیب.
دیگر طرفدن، محاصرهیه آلینان غزه زولاغینین سرحد بؤلگهسینده فاناتیک یهودیلرین الاقصی مسجیدینه باسقین ائتمهسینه اعتراض اولاراق نوماییش کئچیرن فیلیسطینلیلره ایسراییل قوهلرینین آتیش آچماسی نتیجهسینده یارالانانلارین سایی 6-یا یوکسلیب.
غزه-ده ساغلیق ناظیرلیگیندن وئریلن آچیقلامادا یارالیلارین وضعیتی ایله باغلی معلومات وئریلمهییب.
ایسراییل قوهلری نوماییشچیلری گئرچک و پلاستیک گوللهلرله هدفه آلیب و اونلاری داغیتماق اوچون گؤزیاشاردیجی گازدان ایستیفاده ائدیب.
غزه-نین دوغوسوندا نوماییشلرین باشلادیغی گوندن ایسراییل اوردوسو اعتیراضچیلارا موداخیله ائتمک اوچون سرحده آغیر سلاحلی عسگرلر و تک تیراندارلار یئرلشدیریب.
غزه-ده کئچیریلن نوماییشلرین اوچونجو گونونده ایسراییل عسگرلرینین آچدیغی آتیش نتیجهسینده بیر فیلیسطینلی حیاتینی ایتیریب.
ایلگیلیلی خبرلر
یونانین مودافیعه ناظیری: تورکیه گمیقاییرماچیلیق ساحهسینده ایرلیده
نیکوس دندیاس یونان حربی دنیز قووهلرینین ایقتصادی بؤحران دؤورونده گئری قالدیغینی بیلدیریب