ایران: قاراباغ‌دا ساغلانان آنلاشما سئویندیریجیدیر
"ایران، آذربایجان حکومتی ایله قاراباغ‌دا یاشایان ارمنی نماینده‌لر آراسیندا بو بؤلگه‌ده‌کی چاتیشمالارین دوردورولماسی یولوندا واریلان آنلاشمادان ممنونیت دویموشدور"
ایران خاریجی ایشلر باخانلیغی سؤزچوسو ناصر کنعانی، آذربایجان حکومتی ایله قاراباغ‌دا یاشایان ارمنی نماینده‌لر آراسیندا واریلان آنلاشمادان، اؤلکه‌سینین ممنونیت دویدوغونو ایفاده ائتدی.
تسنیم خبر آژانسینا گؤره، کنعانی، قاراباغ‌داکی آنلاشمایا باغلی آچیقلاما وئردی.
کنعانی،
"ایران، آذربایجان حکومتی ایله قاراباغ‌دا یاشایان ارمنی نماینده‌لر آراسیندا بو بؤلگه‌ده‌کی چاتیشمالارین دوردورولماسی یولوندا واریلان آنلاشمادان ممنونیت دویموشدور. آذربایجان جمهوریتینین تورپاق بوتونلوگو چرچیوه‌سینده، پروبلئملرین حلی اوچون دیالوگ و باریشچیل مکانیزملره متمرکز اولونماسی گؤزلنیلمکده‌دیر" ایفاده‌لرینی ایشلتدی.
آذربایجان اوردوسو، ۱۹ سپتامبردا قاراباغ‌دا آنایاسال دوزه‌نی تاسیس ائتمک مقصدی ایله آنتی‌ترور عملیاتی باشلاتمیشدی. قاراباغ‌داکی یاسادیشی ارمنی سلاحلی گوجلر ۲۴ ساعات داوام ائد‌ن عملیات سونراسیندا سلاح بوراخمیشدی.
ایلگیلی‌لی خبرلر
تورکیه اوردوسو عراق و سوریه-ده 17 ترورچونو ضررسیزلشدیریلیب
عراق و سوریه-نین قوزئیینده بولوجو ترور تشکیلاتی پ.کا.کا-یا عاید 17 ترورچو ضررسیزلشدیریلیب.
آذربایجان و ائرمنیستان آراسیندا باریش دانیشیق‌لاری باشلاییب
قازاخیستانین آلماتی شهرینده آذربایجان و ائرمنیستان آراسیندا باریش دانیشیق‌لاری باشلاییب.
