ایراندان آمریکا-ارمنیستان اورتاق مانورونا تپکی
"آمریکا گوجلری، هئچ بیر زامان گوونلیگی تامین ائتمه آرخاسیندا اولمادیلار. گئتدیکلری هر یئرده استقرارسیزلیق و گوونلیک پروبلئملرینه سبب اولدولار"
ایران، آمریکا بیرلشمیش دؤولتلری-ارمنیستان اورتاق مانورونا تپکی وئردی.
ایران رسمی خبر آژانسی ایرنایا گؤره، خاریجی ایشلر باخانلیغی سؤزچوسو ناصر کنعانی، باشکند تهراندا تشکیل ائتدیگی هفتهلیک مطبوعات کنفرانسیندا گوندمه دایر سواللاری جاوابلادی.
آمریکا و ارمنیستان اورتاق مانورونا باغلی بیر سوال اوزرینه کنعانی،
"آمریکا گوجلری، هئچ بیر زامان گوونلیگی تامین ائتمه آرخاسیندا اولمادیلار. گئتدیکلری هر یئرده استقرارسیزلیق و گوونلیک پروبلئملرینه سبب اولدولار" دئدی.
بؤلگهدهکی پروبلئملرین بؤلگه اؤلکهلری طرفیندن حل ائدیلمهسی لازیم اولدوغونو دیله گتیرهن کنعانی،
"بؤلگه اؤتهسی گوجلرین، بؤلگهده اولماسینی ثابتلیک و گوونلیگه ضد گؤروروک" ایفادهلرینی ایشلتدی.
ارمنیستان ساوونما باخانلیغی، ۶ سپتامبردا وئردیگی آچیقلامادا، آمریکا ایله "اولوسلارآراسی باریش قوروما وظیفهلرینه ایشتیراک حاضرلیقلاری" چرچیوهسینده ۱۱-۲۰ سپتامبردا "ایگل پارتنر ۲۰۲۳" اورتاق مانورو تشکیل ائدیلهجگینی بیلدیرمیشدی.
مانور روسیانین دا تپکیسینی چکمیشدی.
روسیا خاریجی ایشلر باخانی سرگئی لاوروو،
"سالدیرقان بیر ناتو عضوونون گونئی قافقازا گیرمهیه چالیشماینی یاخشی بیر شئی اولاراق گؤرموروک" ایفادهسینی ایشلتمیشدی.
ایلگیلیلی خبرلر
تورکیه اوردوسو عراق و سوریه-ده 17 ترورچونو ضررسیزلشدیریلیب
عراق و سوریه-نین قوزئیینده بولوجو ترور تشکیلاتی پ.کا.کا-یا عاید 17 ترورچو ضررسیزلشدیریلیب.
آذربایجان و ائرمنیستان آراسیندا باریش دانیشیقلاری باشلاییب
قازاخیستانین آلماتی شهرینده آذربایجان و ائرمنیستان آراسیندا باریش دانیشیقلاری باشلاییب.