یونانیستانین یانغینلا موباریزه‌سی داوام ائدیر

یونانیستان-دا یانغین‌لار (22 آوقوست) 4-جو گونونده ده داوام ائدرکن، آسپروپیرگوس-داکی یانغین صنایع بولگه سینده‌کی فابریک و آنبارلارا سیچراییب.

یانغین نتیجه‌سینده بولگه ده‌کی صنایع تاسیس لرینه زیان دییب. یانغین سببیندن بیر چوخ یول‌لار نقلیاتین حرکتینه باغلانیب.

باتی تراکیادا، گومولجینه-‌نین و کندلری‌نین یئرلشدیگی رودوپ ویلایتینده یانغی‌نین ایکینجی گونونده داها 3 یاشاییش منطقه‌سی بوشالدیلیب.

دمیرجیلی، باراک‌لی و ایرجا‌ن‌حصار کندلری احتیاط تدبیری اولا‌راق تخلیه ائدیلیب.

بؤلگه‌ده‌کی بیر چوخ مسجید ائولرینی ترک ائتمک مجبوریتینده قالان یانغین قوربان‌لاری‌نین اوزونه قاپی‌لارینی آچیب.

دیکیلتاش و آگ. پاراسکوی ساحل بؤلگه‌سینده یانغین نتیجه‌سینده سیخیشان 40 نفر ساحل محافظه‌سی بؤلمه‌لرینه مخصوص قاییق‌لارلا دنیزدن قورتاریلیب.

خلاص ائدیلن‌لر دده‌آغاچ لیمانینا آپاریلیب.

یونانیستان پرزیدنتی کاترینا ساکلاروپولو مریچ بؤلگه‌سینده حیاتینی ایتیرن‌لر اوچون وئردیگی آچیقلامادا دادیاس مئشه ساحه‌سینده جسدلری تاپیلان 18 نفرین ایتکی‌سیندن کدرلندیگینی بیلدیریب.

ساکلاروپولو و "بیز بو فاجعه‌یه گؤره خالقیمیزین ایتکی‌سینه، هلاک اولماسینا، طبیعته وورولان زیانا گؤره کدرلنیریک" دئییب.

یانغین نتیجه‌سینده ویوتیا و مریچ بؤلگه‌سینده‌کی کاواجیک (لفکیمی) بولگه سینده 2 نفر حیاتینی ایتیریب.

بونونلا دا اؤلکه‌ده یانغین نتیجه‌سینده حیاتینی ایتیرن‌لرین سایی 20-یه چاتیب.