لوبنان-دا الکتریک انرژیسی اوره تیمی دایانیب
لوبنان-دا الکتریک انرژیسی تولید ائدن الکتریک سانترال لاری مرکزی بانکین یاناجاق آلیشی اوچون بودجه آییرماماسی سببیندن فعالیتینی دایاندیریب.
لوبنان-دا الکتریک انرژیسی تولید ائدن الکتریک سانترال لاری مرکزی بانکین یاناجاق آلیشی اوچون بودجه آییرماماسی سببیندن فعالیتینی دایاندیریب.
لوبنان-ین الکتریک ایدارهسی اؤلکهدهکی " دیر عمار و الزهرانی" الکتریک سانترال لارینین وضعیتی ایله باغلی یازیلی آچیقلاما یاییب.
آچیقلامادا قئید اولونوب کی، لوبنان مرکزی بانکی گوندهلیک 550 مگاوات الکتریک انرژیسی تولید ائدن دیرعمار و الزهرانی اوچون لازیم اولان 10 میلیون دولاری شیرکتلرین حسابلارینا کؤچورمهییب.
بیلدیریلیب کی، بو ترانسفر حیاتا کئچیریلمهدیگی اوچون هر ایکی الکتریک سانترالیندا تولید دایانیب و وطنداشلارا الکتریک انرژیسی وئریله بیلمهییب.
قئید ائدک کی، لوبنان مرکزی بانکی 2019-جو ایلده باش وئرن اقتصادی بحران و خاریجی پول قایناق لارینین اریمهسی سببیندن یاناجاغا حکومت دستکینی گئری گؤتوردوکدن سونرا الکتریک سانترال لاریندا تولید دایانیب.
اؤلکهنین گوندهلیک الکتریک احتیاجی نورمال شرایطده 3200 مگاوات جیواریندا اولدوغو حالدا، یوخاریدا قئید اولونان بحرانلار سببیندن بو تولید بیر مدت 500 مگاواتا دوشوب.
هر ایکی الکتریک سانترالیندا سون اولاراق گونده جمعی 4 ساعات الکتریک انرژیسی تولید اولونور، قالان 20 ساعات الکتریک انرژیسینی ایسه اهالی چوخ باها قیمته اؤزل ژنراتورلاردان تامین ائدیر.