روسیا گمی‌لری و اوچاق لاری بالتیک دنیزینده

روسیا بالتیک دنیزینده "اقیانوس قالخانی 2023" تعلیمینه باشلادی.

روسیا ساوونما ناظیرلیگیندن وئریلن یازیلی معلوماتدا روسیا دونانماسی‌نین بالتیک دنیزینده حربی مانورلره باشلادیغی بیلدیریلیب.

"اقیانوس قالخانی 2023" آدلی تعلیمده 30-دان چوخ دؤیوش گمیسی، 20 دستک گمیسی، 30 اوچاق و تخمینن 6 مین عسگر ایشتیراک ائدیر.

حربی مانورین مقصدی حربی دنیز دونانماسی‌نین عملیات باخیمیندان مهم بولگه اولان بالتیک دنیزینده روسیانین میللی ماراق‌لارینی مدافعه ائتمه‌یه حاضیر اولوب-اولماماسینی اؤلچمک‌دیر.

تعلیمین نه واخت بیته‌جگی ایله باغلی معلومات وئریلمه‌ییب.