شیخ محمد بن زاید آل نهیان تورکیه ایله ایکی طرفلی علاقهلره موناسیبت بیلدیریب
بیرلشمیش عرب امیرلیکلرینین پرزیدنتی شیخ محمد بن زاید آل نهیان تورکیه ایله ایکی طرفلی علاقهلرین گلهجکده داها یاخشی اینکیشاف ائدجگینه تام ایناندیقلارینی بیلدیریب.
بیرلشمیش عرب امیرلیکلرینین پرزیدنتی شیخ محمد بن زاید آل نهیان تورکیه ایله ایکی طرفلی علاقهلرین گلهجکده داها یاخشی اینکیشاف ائدجگینه تام ایناندیقلارینی بیلدیریب.
آل نهیان کؤرفز اؤلکهلرینه سفری چرچیوهسینده پایتاخت ابوظبی-ده جمهور باشقانی رجب طیب اردوغانی و اونو ائشلیک ائدن نوماینده هئیتینی الوطن ساراییندا رسمی مراسیمله قارشیلاییب.
قارشیلامادان سونرا قیسا نطق سؤیلهین آل نهیان تورکیه ایله ایکی طرفلی علاقهلرین قارشیداکی دؤورده داها یاخشی اینکیشاف ائدجگینه تام ایناندیقلارینی سؤیلهییب.
بیرلشمیش عرب امیرلیک لرینین تورکیه-نی باشدا تیجارت، تکنولوژی، انرژی، تهلوکهسیزلیک و غذا ساحهلرینده اساس طرفداش اولاراق گؤردوگونو بیلدیرن آل نهیان تورکیه-نین ده بؤلگهدهکی پروسه لری یاخیندان ایزلدیگینی و هر ایکی اؤلکهنین مسئولیتینین بو اینکیشافلاری مثبت معنادا دستکلمک اولدوغونو بیلدیریب.
آل نهیاان همچنین بیرلشمیش عرب امیرلیک لری اولاراق تورکیه ایله میصر آراسینداکی علاقهلرین سفیرلیکلر سویهسینه یوکسلمهسیندن ممنون اولدوقلارینی ایفاده ائدهرک، آنکارا ایله قاهیرهنین یاخینلاشماسینی بوتون بولگه اوچون مهم اینکیشاف کیمی قیمتلندیریب.
نوامبردا دوبی-ده کئچیریلهجک COP 28 ایقلیم کنفرانسیندا تورکیه-نین فعال ایشتیراکینا اؤنم وئردیکلرینی قئید ائدن آل نهیان دونیانی گلهجک نسیللر اوچون قوروماق بارهده ایقلیم و اطراف موحیط ایله باغلی بیرگه حل یوللاری اورتایا قویا بیلهجکلرینی وورغولاییب.
آل نهیان پرزیدنت اردوغانلا گؤروشو بارهده اؤزونون توییتر حسابیندا دا پایلاشیم ائدیب.
بیرلشمیش عرب امیرلیک لری ایله تورکیه آراسیندا ایکی طرفلی علاقهلرین گوجلندیریلمهسی، اقتصادی و اینکیشاف ساحهسینده امکداشلیغین خالقلارینین ریفاهی نامینه اینکیشاف ائتدیریلمهسی مسئلهلرینی موذاکیره ائتدیکلرینی قئید ائدن آل نهیان همچنین بولگه خالقلارینین ریفاهی نامینه باریش، ثابتلیک و ریفاهی دستکلمک اوچون مثبت ایرلیلییشلرین قورولماسینین واجیبلیگینی موذاکیره ائتدیکلرینی بیلدیریب.
گؤروشون فوتولارینی پایلاشان آل نهیان "اردوغان ایله ابوظبی-ده گؤروشمکدن ممنون اولدوم" ایفادهلردن ایستیفاده ائدیب.
ایلگیلیلی خبرلر
تورکیه اوردوسو عراق و سوریه-ده 17 ترورچونو ضررسیزلشدیریلیب
عراق و سوریه-نین قوزئیینده بولوجو ترور تشکیلاتی پ.کا.کا-یا عاید 17 ترورچو ضررسیزلشدیریلیب.
آذربایجان و ائرمنیستان آراسیندا باریش دانیشیقلاری باشلاییب
قازاخیستانین آلماتی شهرینده آذربایجان و ائرمنیستان آراسیندا باریش دانیشیقلاری باشلاییب.