سوریه میلی اوردوسونا ۵ مین ساواشچی قاتیلدی
سوریه میلی اوردوسو، ۶ آیلیق عسگری تعلیملرینی بیتیره‌ن ۵ مین یئنی عضوو اوچون آند مراسیمی تشکیل ائتدی
سوریه میلی اوردوسو، صفلرینی ۵ مین یئنی عنصورلا گوجلندیردی.
سوریه میلی اوردوسو چتری آلتین‌دا یئر آلان حمزه و سلیمان شاه تومنلری، زیتون بوداغی عملیاتی بؤلگه‌سینده‌کی شیخ حدید ائلچه‌سینده، ۶ آیلیق عسگری تعلیملرینی بیتیره‌ن ۵ مین یئنی عضوو اوچون آند مراسیمی تشکیل ائتدی.
تعلیملرینی تاماملایان عنصورلارین یانین‌دا عسگری آراجلارلا گئچید تؤره‌نی تشکیل ائدیلدی.
اوچاق سووارلا دونادیلمیش ۱۰۰ آراج، آغیر مسلسل، دوشکا یئرلشدیریلمیش ۱۰۰ زره‌لی آراج، ۸۰ زره‌لی پیکاپ، ۳۰۰ زره‌لی ساواش آراجی و مسلسل یئرلشدیریلمیش ۳۰۰ داغ موتورسیکلتی مراسیم‌ده یئر آلدی.
سوریه میللی اوردوسو صفلرینه یئنی قاتیلان عسگرلر، اؤلکه‌نین قوزئیینده تروردان قورتاریلان بؤلگه‌لرده وظیفه یئرینه یئتیره‌جک.
سوریه میللی اوردوسو، سوریه‌نین قوزئیینده، تورک سلاحلی گوجلرینین فیرات قالخانی، زیتون بوداغی و باریش بولاغی عملیاتلاری ایله تروردان تمیزله‌نیله‌ن بؤلگه‌لری کنترل ائدیر.
