طالباندان ایران سرحدینده مانور
مانورون آماجینین طالبان منسوبلارینا یئنی تجروبهلر قازاندیرماق اولدوغو بیلدیریلدی
افغانیستاندا طالبان گوجلری، ایران سرحدیندهکی نیمروز ویلایتینده آغیر سلاحلارلا حربی مانور گئرچکلشدیردی.
طالبان مقاملاری، عسگری مانورون مرکز ائلچه زرنجده تشکیل ائدیلدیگینی بیلدیردی.
مانورون آماجینین طالبان منسوبلارینا یئنی تجروبهلر قازاندیرماق اولدوغو بیلدیریلدی.
طالبانین آگوست ۲۰۲۱ده افعانیستان رهبرلیگینه گلمهسینین آردیندان، طالبان گوجلری ایله پاکیستان و ایران سرحد گوجلری آرا آرا سلاحلی چاتیشمایا گیریر.
طالبان ایله ایران سرحد گوجلری سون اولاراق ۲۷ میده نیمروز سرحدینده سلاحلی چاتیشمایا گیرمیش، ۲ ایران عسگری و ۱ طالبان منسوبو حیاتینی ایتیرمیشدی.
طرفلر بیر-بیرلرینی چاتیشمانی باشلاتماقلا سوچلامیش آنجاق گرگینلیک، ائدیلهن گؤروشمهلر نتیجهسینده سونا چاتمیشدی.
طالبان ایله ایران آراسیندا زامان زامان یاشانان سرحد چاتیشماسینین خاریجینده، هر ایکی طرف عینی زاماندا هلمند چایی اوزریندهکی سویون پایلاشیمی قونوسوندا دا گرگینلیک یاشاییر.
طالبان رهبرلیگی، بؤلگهدهکی قوراقلیق سببی ایله هلمند چایی اوزریندهکی سدلرینده سو میقدارینین آزالدیغینی و بونا گؤره ایرانا سو چاتمادیغینی ادعا ائدرکهن، ایران ایسه تکنیک بیر هیئتین سدلره گئدرک بو وضعیتی تایید ائتمهسی لازیم اولدوغونو ایفاده ائدیر. آنجاق طالبان بونا قارشی چیخیر.
ایلگیلیلی خبرلر
تورکیه اوردوسو عراق و سوریه-ده 17 ترورچونو ضررسیزلشدیریلیب
عراق و سوریه-نین قوزئیینده بولوجو ترور تشکیلاتی پ.کا.کا-یا عاید 17 ترورچو ضررسیزلشدیریلیب.
آذربایجان و ائرمنیستان آراسیندا باریش دانیشیقلاری باشلاییب
قازاخیستانین آلماتی شهرینده آذربایجان و ائرمنیستان آراسیندا باریش دانیشیقلاری باشلاییب.