ایران: طالبانلا اولان سورون چؤزولدو

ایران ایچ ایشلری باخانی احمد وحیدی، سرحدده یاشانان چاتیشمالارین آردیندان طالبان مسئوللاری ایله گؤروشدوکلرینی، پروبلئمین حل ائدیلدیگینی و سرحدلرده گوونلیگین تامین ائدیلدیگینی سؤیله‌دی.
ایران دؤولت تلویزیونونا دانیشان ایچ ایشلری باخانی وحیدی، ایران سرحد گؤزتچیلری ایله طالبان گوجلری آراسین‌دا دونن سیستان و بلوچستان ایالتینه باغلی هیرمند ائلچه‌سینده‌کی سرحدده ساسولی قاراقولو یاخینلارینداکی چاتیشمانی دگرلندیردی.
چاتیشمادا طالبان گوجلرینه "لازیم اولان قارشیلیغین وئریلدیگینی" ایفاده ائد‌ن وحیدی،
"قیسا سورلی بیر چاتیشما یاشاندی. طالبان طرفی ایله ده گؤروشمه‌لر ائدیلدی، پروبلئم حل ائدیلدی. بو آندا بیر سورون یوخ، سرحد ساکیت و آچیقدیر" دئدی.
ایران، دونن سرحد گؤزتچیلری ایله طالبان گوجلری آراسیندا سرحدده یاشانان چاتیشمالار سیراسین‌دا ۲ ایران سرحد گؤزتچی‌سینین حیاتینی ایتیردیگینی آچیقلامیشدی.
طالبان ایسه بیر عضوونون چاتیشمادا حیاتینی ایتیردیگینی بیلدیرمیشدی.
طرفلر بیر بیرلرینی چاتیشمانی باشلاتماقلا سوچلامیشدی.