اوکراینادان ایرانا ۵۰ ایللیک تحریم
میخائیل پودولیاک، "ایرانین آوروپا و اورتا دوغو اوچون تهدید اولوشدوران بیر ترور رژیمی اولدوغو، نووه تستلرینین بوتون دونیا اوچون ریسک میدانا گتیردیگی" دگرلندیرمهسی پایلاشدی
اوکراینا دؤولت باشقانی ولودیمیر زلنسکی، ایرانا ۵۰ ایللیک مدتله تحریملرین تطبیق اولونماسینا باغلی قرار لایحهسینی پارلمانا سوندو.
قرار لایحهسی اوکراینا پارلمانی "یوکسک رادا"نین اینترنت سایتیندا یاییملاندی.
قرار لایحهسینده، زلنسکیین اوکراینا میللی گوونلیک و ساوونما شوراسینین ۲۷ می ۲۰۲۳ تاریخلی آلدیغی "ایرانا قارشی اؤزل اقتصادی و دیگر محدودلاشدیریجی تدبیرلرین تطبیق اولونماسینا" باغلی قرارینی یوکسک رادانین دگرلندیرمهسینه سوندوغو ایفاده ائدیلدی.
لایحهیه گؤره، اوکراینانین ۵۰ ایل مدتله ایرانا تحریملر تطبیقی نظرده توتولارکن، بو چرچیوهده ایران ایله تیجاری ایشلملرین تامامیله قاداغان ائدیلمهسی، ایرانین اوکراینا تورپاقلاری اوزریندن قایناق گئچیشی، اوچوشلاری و داشیماچیلیغینین دوردورولماسی یئر آلدی.
آیریجا ایران وطنداشلارینا تکنولوژی، فیکری مولکیت حاقلارینین وئریلمهسینین و بو اؤلکهیه سرمایهلرین قاداغان ائدیلمهسی ده لایحهده یئر آلدی.
اؤته یاندان، اوکراینا دؤولت باشقانلیغی اوفیسی مشاویری میخائیل پودولیاک، سوسیال مئدیا حسابیندان ائتدیگی پایلاشیمدا، "ایرانین آوروپا و اورتا دوغو اوچون تهدید اولوشدوران بیر ترور رژیمی اولدوغو، نووه تستلرینین بوتون دونیا اوچون ریسک میدانا گتیردیگی" دگرلندیرمهسینی یاییملادی.
تهرانین روسیانین اوکراینایا قارشی باشلاتدیغی ساواشدا موسکوانین اؤنملی بیر متفیقی حالینا گلدیگینه ایشاره ائدن پودولیاک،
"ایران، شهرلریمیزه ایستیقامتلی سالدیریلار اوچون موسکوایا قصدلی اولاراق سلاح تامین ائتدی. دونن گئجه شاهد اینسانسیز هاوا آراجی ایله کیئوه ائدیلهن سالدیری بو گئرچگین دلیلیدیر" ایفادهسینی ایشلتدی.
زلنسکیین بو سببله ایرانا تحریم تطبیق اولونماسینا قارشی قرار لایحهسینی پارلمانا سوندوغونو بیلدیرن پودولیاک،
"تهرانا حیاتین تمل قانونلارینی، اؤزللیکله ده بومرنگ قانونونو خاطیرلاتماق ایستهدیگینی" ایفاده ائتدی.