ایران ریاضا ائلچی تعیین ائتدی
ایران ایله سعودی عربیستان آراسینداکی دیپلوماتیک ایلیشکیلرین یئنیدن باشلاماسینین آردیندان، علیرضا عنایتی ایرانین ریاض ائلچیسی اولاراق تعیین ائدیلدی
ایران، یئنی ریاض ائلچیسی اولاراق خاریجی ایشلر باخان کؤمکچیسی علیرضا عنایتینی تعیین ائتدی.
ایران یارغی ارکینین یایین اورگانی میزان خبر آژانسینا گؤره، ایران ایله سعودی عربیستان آراسینداکی دیپلوماتیک ایلیشکیلرین یئنیدن باشلاماسینین آردیندان، عنایتی ایرانین ریاض ائلچیسی اولاراق تعیین ائدیلدیگی، داها اول ایرانین کویت ائلچیلیگی وظیفهسینی یئریتمیشدی.
ریاض و تهران، ۷ ایل آرادان سونرا ۱۰ مارسدا چینین باشکندی پکنده چینلی مقاملارین آراچیلیغی ایله دیپلوماتیک ایلیشکیلرین ایکی آی ایچینده یئنیدن باشلادیلماسی قونوسوندا آنلاشمیشدی.
ایران خاریجی ایشلر باخانی حسین امیرعبداللهیان ایله سعودی عربیستانلی قونومداشی فیصل بن فرحان دا ۶ آوریلده پکنده بیر آرایا گلمیش و ایکی اؤلکه ائلچیلیکلرینین یئنیدن آچیلماسی، ایکی اؤلکه آراسینداکی اوچوشلارین یئنیدن باشلادیلماسی و ویزالارین آسانلاشدیریلماسی قونوسوندا آنلاشمیشدی.
امیرعبداللهیان، ۱۱ میده وئردیگی آچیقلامادا، سعودی عربیستانین تهران ائلچیسینی اؤزلرینه تانیتدیغینی عینی شکیلده اؤزلرینین ده ریاضا تعیین ائدیلهجک ائلچینی قیسا مدت ایچریسینده سعودی عربیستانا بیلدیرجگینی سؤیلهمیشدی.
اوزون ایللر سونرا ایراندان سعودی عربیستانا ائدیلهن ایلک اوست سویه سفر اولاراق ایران اقتصاد باخانی احسان خاندوزی، برابرینهکی هیئتله ۱۱ میده سعودی عربیستانین جده شهرینه گئتمیشدی.