روسیا "کینژال" راکتینین وورولماسی ایله باغلی آچیقلاما وئریب
شویگو روسیا خبر آگئنتلیگی "ریا"-یا وئردیگی آچیقلامادا اوکراینانین "روسیا مخصوص 6 هیپرسونیک کینژال راکتی وورولدو" ایفادهسینی دیرلندیریب.
روسیانین ساوونما ناظیری سرگئی شویگو بیلدیریب کی، اوکراینانین روسیانین 6 هیپرسسلی (مافوق صوت) "کینژال" راکتینین وورولماسی ایله باغلی آچیقلامالاری حقیقتی عکس ائتدیرمیر.
شویگو روسیا خبر آگئنتلیگی "ریا"-یا وئردیگی آچیقلامادا اوکراینانین "روسیا مخصوص 6 هیپرسونیک کینژال راکتی وورولدو" ایفادهسینی دیرلندیریب.
شویگو یوخاریدا قئید اولونان بیاناتلاری تکذیب ائدهرک دئییب:
"هر دفعه ووردوقلارینی سؤیلهدیکلری قدر "کینژال" راکتی بوراخمامیشیق. اوستهلیک، اوکراینانین قارشیسینی آلدیغینی اعلان ائتدیگی راکتلرین سایی بیزیم بوراخدیغیمیز راکتلرین ساییندان 3 دفعه چوخدور. آیریجا امریکا ساوونما سیستملرینین کیمین ایداره ائتمهسی ایله باغلی سواللار دا وار".
قئید ائدک کی، روسیا ساوونما ناظیرلیگی اوکراینانین پایتاختی کیئوده امریکا اوره تیمی اولان “پاتریوت” هاوا هوجوموندان ساوونما سیستمینی هیپرسسلی “کینژال” راکتی ایله ووردوقلارینی بیلدیریب.
اوکراینا ساوونما ناظیرلیگی ایسه روسیا اوردوسو طرفیندن آتیلان 6 "کینژال" راکتی ده داخیل اولماقلا عمومیلیکده 18 روسیا راکتینین هاوا هوجوموندان ساوونما سیستملری ایله وورولدوغونو آچیقلاییب.